Ol risk
- Mekem ol vaeres i go long ol kompiuta o netwok blong yu long mistek – we i kam long tufala tugeta websaet mo pia-tu-pia ol fael-sea prokram.
- Instolem spaewe we i mekem se ol krimonol i garem infomesen we i konfidensel long saed blong winim mani o stilim aedentiti.
- Garemaot ol kampani we oli divelopem ol sofwea mo ol atis we stap winim mani tru long ol wok blong olgeta.
- Brekem ol rul blong kopiraet Iven sapos yu tingse i gud tumas blong yu daonlod long ol fri sofwea, musik mo vidio, hem i agensem loa blong stilim ol samting we i stap long kopiraet.
- Taem we faeawol blong yu i brok, speseli taem yu yusum ol program blong pia-tu-pia fael-sering.
- Daonlodem ol materiel we oli save spolem ol man / ol materiel we oli brokem loa o ol vaeres we oli giaman se oli wan nara samting.
- Stap instolem ol adwe long mistek we i mekem se ol advetaesmen i stap kamaot evritaem mo save mekem man i save kros.
Daonload we i sef
- Mekem sua se intanet sekuriti sofwe i wok oltaem mo apdeit, mo faeawol i instol mo ron gud bifo eni daonload blong ol samting i save hapen.
- Daonlodem ol eksekutebol fael (.exe) wetem bigfala kea. Hem ia ol fael we ol program i stap yusum blong mekem oli ron long kompiuta blong yu. Be, oli stap yusum tu blong garem ol vaeres.
- Yusum ol daonlod websaet we yu trastem bitim ol sistem blong pia-tu-pia blong garem ol program.
- Yu mas lukluk gud taem yu stap daonlodem eni samting, from ol man i save putum eni nem we oli laekem long ol fael blong olgeta. Wan samting we yu luk olsem hem i wan klip we i kam long wan niufala ski-fae muvi hem i save wan nogud pon o wan fael we i fulap long vaeres.
- Daonlodem musik nomo long ol saet we yu pem olsem iTune, Google Play, o ol websaet blong ol ritela we yu trastem.
Pia-tu-pia fael sering we i sef
Sapos yu mas yusum fael-sering sofwea long bisnes blong yu, mekem sua se yu jusum wan sef sofwea, instolem long wei we i sef mo yusum long stret fasin blong hem.
Instolem ol fael sering aplikesen nomo taem yu gat ol intanet sekuriti sofwe we oli wok gud mo apdeit, mo faeawol i stap ron gud.
Tingbaot blong pem wan kaen blong plan we ol advetaising i no givim mani blong fandem, blong save daonem risk blong adwe we yu bin instolem.
Daonlodem sofwe nomo we i kam long ol websaet blong ol kampani we i mekem sofwe ia o olgeta we oli garem raet blong salem bagegen ol sofwe ia.
No letem ol man i go stret long ol fael blong yu mo lukluk olgeta, mo konfiga lo prokram ia wetem kea, blong yu wan nomo i save serem ol fael we yu wantem mo kipim ol nara fael blong yu mo ol praevet infomesen blong yu i sef long ol nara man. Hem ia i mekem se yu no mestem mo serem data wetem eni kaen man we yu no save long olgeta.
No serem ol samting we i stap long kopiraet.