From tingting ia hem i gud blong lukluk gud se yu mekem ol gudfala praktis (lo fulap kes, blong agri blong folem ol rul) taem we i kam long saed blong saeba mo infomesen sekuriti. Sapos hem ia i no save hapen, bae oganasesen blong yu bae i open moa blong kasem risk … semak wetem grup we yu stap konek wetem mo tu, ol narawan we oli stap antap mo daon long jen blong saplae.
Ol risk
- Taem oli stap holem moa data long ol defren, wanwan databes i minse wan wiknes i save mekem se kwaliti blong stap strong blong wan o tugeta grup lo transaksen ia mo tu long ful jen i no save go gud.
- Taem we data i shea tru long imel o ol onlaen akses websaet we oli givim link i go long ol nara link o saet, tufala grup i save stap long risk sapos ol nara man we oli no gat raet oli kasem data ia – we risal blong hem i kam frod, stil blong aedentiti, stil blong propeti we man i krietem tru long save blong hem, wok blong spae blong tekem ol infomesen, spolem nogud man, wok blong wantem garem wan samting tru long fos, impak long reveniu, brekem kontrak o nem blong bisnes i go nogud bigwan.
- Ol wiknes i kam bigwan moa taem ol narafala oganasesen i joinem saplae jen ia.
iProkumen we i sef
Wan impoten pat blong yusum iProkumen hem i strong saeba mo infomesen sekuriti insaed long oganasesen blong yu. Yu sud tingbaot tu se ol saplaea blong yu i maet o no maet yusum ol difren kaen praktis mo fasin long eria ia, mo yu sud jekem gud olgeta olsem pat blong proses blong rod blong mekem se wan samting nogud i no hapen, mo tu jekem gud ol kastoma we oli kam insaed mo agri wetem yu blo pem ol samting long yu tru lo elektronik.
Hem i stret wok blong yu olsem wan kastoma o wan saplaea blong mekem sua se yu yusum ol gudfala level blong sekuriti long saed blong teknoloji mo ol rul blong hem, ol aksen plan mo praktis mo fasin blong ol wokman.
Yu sud putum tu long eli taem we yu stap go insaed long wan saplae jen, bodi, kwaliti mo level blong sekuriti we yu nidim (sapos i gat eni), mo agri o toktok blong faenem wan wei we i stret folem wanem yu nidim mo ol standed blong yu, mo olgeta blong ol patna blong yu long jen ia. Ol bigfala patna oli save gat ol strong rul long saed blong wanem oli wantem, be hem ia bae i save defren folem saes mo wanem kaen oganasesen we hem i blong yu mo wok blong hem long jen ia.
Yu maet save winim wan stret standed – mo jekem gud olgeta blong ol patna blong yu long saplae jen ia – insaed long oganasesen blong yu o wetem help blong wan konsalten we i wok aotsaed long oganasesen blong yu. Ol advaes we mifala i givimaot long saet ia oil kam blong helpem yu wokemaot ol eria we i nid blong yu lukluk gud long hem, mo givimaot infomesen mo advaes i go stret long ol eria ia.