Ol risk
Kompiuta/mobael divaes mo data teft
Sapos kompiuta blong yu, seva, tablet mo smatfon oli no fisikoli protekted, bae yu mekem hem i isi blong ol kriminol oli no stil nomo ol divaes be oli save aksesem mo stilim data we oli stap long olgeta – o oli save aksesem olgeta. Bae yu livim olgeta oli open long ol infeksen wetem ol kaen kaen blong malwe – kriminol maet i no nidim onlaen akses nating. p Nating long ol onlaen metod we oli kam teknikol tumas we oli kriminol oli yusum, hemia isi blong aksesem ol sistem blong yu mo data taem oli fisikoli save mekem long premisis blong yu, o tekem wan divaes blong yu.
Sapos bisnes premis blong yu, hom ofis o ol narafala saet we ol kompiuta ekwepmen oli stap oli long hem oli no sekua gud, ol wei ia oli open blong ol kriminol oli genem akses taem oli brek in.
Ol kriminol oltaem oli aftarem ol saplaia – eksampol wan IT enjenia o utiliti kampani representative. I no tekem long blong ol kriminol oli save ajivim ol objective blong olgeta taem yu wan wan kolej oli bin trikim o distraktem. Hemia hem i wan kaen blong sosoll enjinering.
Yu save faenem moa infomesen long wei blong kipim ol mobael divaes oli sef long ples ia.
Fisikol Damej
Olsem long evri samting long wan bisnes, kompiuting mo ol komunikesen divaes mo infrastrakja oli valnerebol long ol damej olsem faea, flad mo aksidental damej. Yu mas tekem evri prikosen blong protektem olgeta agensem ol ivent ia, gat wan bisnes kontinuiti plan we i stap, mekem bakap long ol data we oli stap of saet mo mekem sua se yu gat inaf bisnes insurens blong kaveremap ol fisikol los.
Kipim ol divaes blong yu oli sef
- Kipim ol doa mo ol windo oli lok.
- Kipim ol senitiv had kopi rikod mo lokem olgeta sam ples.
- Putum wan intruda alam, wetem yunik kod blong wanwan emploi.
- Fitim ol ba o ol sata long ol windo we oli no sef gud.
- Yusum CCTV blong faenem ol intruda mo rikodem ol ivent blong ol kriminol aktiviti.
- Konsida blong yusum ol kompiuta loking kebel long ol individual desktop masin mo ol laptop.
- Kipim wan faea ekstingwisa we i stret blong yusum wetem ol elektrikol ekwipmen klosap long kompiuta blong yu.
- Yu keaful taem yu disposem ol bokis we oli save givim infomesen se yu gat ol niufala kompiuta o printa.
- Konsaltem insurens kampani blong yu o lokol kraem privensen ofisa blong tekem ol adisenal sekuriti advaes.
Ol visita we oli kam long bisnes blong yu:
- Yu mas tingting gud bifo yu givim eni akses long eni visita, mo eskotem olgeta oli go long stret ples we oli wantem go.
- Yu mas save gud ol kontrakta mo ol sapot pesonal.
- Restriktim akses long ol sensitiv eria, olsem seva rum o ol HR rikod.
- Enkarejem staf blong oli mas toktok long ol strenja we oli kam long ol sekua eria olgeta wan.
Ol adisenal advaes blong ol laptop, tablet & smatfon yusa
- Ol emploi oli sud kipim ol mobael divaes blong olgeta wetem olgeta evritaem. Taem yu no yusum – eksampol long wan hotel rum o long wan miting rum – kipim olgeta long ples we i haed o yu lokemap olgeta. Karem ol laptop long wan han bakej long wan plen o long wan koj o bas.
- Ol laptop, tablet, mo ol smatfon oli sud neva stap nating long wan sit long trak o viekel. Nating we yu stap long wan trak, laptop blong yu bae i kam valnerebol taem yu stop samples (eksampl, taem yu pak o stap long ol trafik laet).
- Ol emploi we oli gat ol tablet mo smatfon oli sud mekem best blong olgeta blong oli no displei taem oli aot from tedei i gat wan trend blong ol snaj roberi we oli kam antap tumas mo i save involvem fisikol vaelens.
- Mekem sua se ol emploi blong yu oli yusum ol paded bag blong karem ol laptop mo ol tablet blong olgeta. Fulap laptop oli brok taem oli dropem olgeta.
Ol seva & IT infrastrakja
- Kipim ol seva mo ol netwok ekwipmen long wan rum we i lok mo kontrolem akses blong hem.
- Ol seva mo netwoking rak mo ol kabinet oli save protektem olgeta wetem ol individual lok.
- Disebelem ol netwok pot we oli no yusum.
- Putum gud equipmen blong minimaesem ol risk long faea, flading mo teft.
- Kipim wan faea ekstingwisa we i stret blong yusum wetem ol elektrikol ekwipmen klosap long kompiuta blong yu.
Ol had kopi rikod
- Yusum ol faeling kabinet we oli save lokem.
- Mantenem wan strik sreding polisi.
- Gat wan ‘Klia-desk’ polisi blong ol emploi oli save lokem ol sensitiv pepa taem oli no wok long olgeta.
- Enkarejem ol yusa blong pikimap gud ol dokumen long printa, long faks, ol fotokopia mo ol narafala divaes. Taem hem i avelebol, yusum ol sekua print fija.
Ol ekwipmen we oli stilim o lusum
- Sapos yu gat ol paswod we yu storem oli stap long wan dokumen long PC o laptop blong yu, o yu putum olsem ‘rememba pas wod ia’ bokis long wan websaet, jenisim eni paswod kwiktaem afta long wan stil o taem yu lusum.
- Yu notifaem Polis kwiktaem mo sapos i posibol tekem wan kraem o los referens namba blong yu save trakem mo from insurens.
Limitim ol impak blong wan teft o los
- Mekem wan not long ol seriel namba blong ol IT ekwipmen blong oli save givhan long taem yu ripotem se oli lus o oli stilim.
- Yusum ol sekuriti maka blong lebelem ol kompiuta mo ol narafala aetem we oli gat valiu long olgeta.
- Kipim ol printed fotografik rikod blong ol ekwipmen mo lokem olgeta long wan sef ples.
- Yu neva storem ol paswod long kompiuta blong yu.
- Mekem sua se yu ensurem ol kompiuta ekwipmen blong yu.
- Mekem bakap long ol data blong yu (luk Bakap blong moa infomesen).