Jusum wan sapot patna
- Askem ol koleg, ol saplia, ol tred organaesesen mo ol narafala kampani we oli yusum.
- Karemaot wan onlaen sej blong ‘IT Sapot’ long eria blong yu.
Sejem ol daerektories blong ol setifaed ekspet long teknoloji we bae yu nidim sapot long olgeta. Eksampol, long Maekrosoft o Apple prodak, jekem sej daerektori blong olgeta blong ol patna we oli holem ol kwalifikesen olsem Maekrosoft setifaed Solusen Eskpet (MCSE) o Apple Certifaed Sapot Profesonal (ACSP)
- Lukaotem ol:
- Evidens blong releven eksperiens
- Wan pesen we i save helpem yu blong yu gro o taem ol nid blong yu oli jenis.
- Ol pipol we oli andanstanem hadwe mo softwe blong yu.
- Ol referens mo ol rekomendesen.
- Wan andastanding long ol bisnes wetem teknoloji.
- Pipol we oli toktok lanwis blong yu, eksplenem ol problem long wei we yu andastanem.
- Ol kampani wetem ol safisen risos blong mitim ol nid blong yu.
Long kontek blong saeba mo infomesen sekuriti sapot , sapos yu save faenem wan provaeda we i gat ol kwalifikesen mo indastri bodi membasip, yu save yusum provaeda ia long ol IT mo saeba / infomesesen sekuriti sapot rikwaimen.
Ol sapot agrimen
Yu nidim wan agrimen long raeting – o wan ligol kontrak – we oli raetem long plein lanwis.
- Wanem sapot stret yu wantem provaeda ia bae i mekem blong yu – mo wanem oli ekspektem yu blong mekem yuwan.
- Wan skedul blong eni project we bae oli tekemap, eksampol, bae oli tekem hamas haoa blong instolem wan niufala seva o bae oli dikomisinim wan olfala wan.
- Wan sevis level agrimen (SLA) – oli save rispon kwiktaem long yu mo fiksim ol problem.
- Wanem ol level blong afta-sel sapot we yu save ekspektem sapos ekwipmen saplae hem i pat long agrimen.
- Bae i save gat wan step by step brekdaon blong eni projek we bae oi mekem.
- Wan klia fi strakja mo estimet, weta hem i flat reit o beis long wan deili reit.