Ol risk
- Wan man we hem i stap talem se hem i wan saplaea blong yu i kontaktem bisnes blong yu mo talem long yu blong jensim daerek debit ia, standing oda o ol bank transfe instraksen i go long niufala bank akaon blong olgeta. Bae yu no save tingse hem i wan frod kasem taem we stret saplaea blong yu i talem se peimen blong yu blong manis ia i no bin kam, o ol guds mo ol sevis oli no bin deliva.
- Yu risivim wan imel, leta o fon kol we i kam long wan pablishing, infomesen sevis o ol nara sabskripsen oganasesen, blong talem long yu ol peimen ditel we i jenis nao ia i go long wan niu bank akaon. Bae yu no save tinkgse hem i wan frod kasem taem yu nomo risivim ol guds o sevis we yu bin sabskaep from, wetem ol onlaen sevis olsem ol infomesen resos mo ol nius fid.
- Wan frodsta i go insaed long onlaen bank akaon blong yu long wan wei we i no stret mo jenisim ol peimen mandeit ditel blong mani i save transfe i go long akaon blong frodsta ia.
Protektem bisnes blong yu long mandeit frod
- Oltaem mekem sua se yu konfem long eni peimen we i jenis daerek stret go long wan oganasesen yusum ol kontak ditel we oli bin givim long yu.
- Sapos yu gat daot long wan kol, hang ap mo kolem oganasesen ia yusum ol kontak ditel we oli bin givim lo yu.
- Neva livim ol invois, ol peimen mandeit we oli sendem evri taem o ol semak kaen infomesen, blong oli stap long ples we ol nara man i save luk.
- Jekem ol bank steitmen wetem kea mo ripotem eni samting we yu luk se i no nomol go long bank blong yu.
- Mekem sua se ol kolig, speseli olgeta we oli stap long saed blong faenans, blong oli save long ol risk ia.
Sapos yu tingse yu bin kam wan viktim blong wan tru o traem mandeit frod
- Talemaot go long bank blong yu kwik taem sapos yu luk wan aktiviti we i no nomol long akaon blong yu mo yu tingse mandeit frod hem i bin hapen.
- Talemaot go long oganasesen we ol frodsta i giaman lo nem blong olgeta.
- Sapos frod i hapen, ripotem i go long polis.