English

Ol Data Bridj /Ol Sekuriti Insiden

Oganaesen blong yu i sud gat wan proses we i stap blong manejem mo ripotem ol ivent o ol jen blong ol ivent we oli setelem konfidensialiti, integriti, o ol infomesen we oli stap.

Manejmen

Hem i impoten se ol ivent ia oli aedentifaem, dokumentem, rispond long hem, kontenem, rikaverem, mo mekem foloap long stret oda blong:

  • Establisem wan rikod blong wan ivent blong infomem ol stret stekholda (long ol samting olsem ligal dipatmen, pablik rilesens, yuman risos, loa enfosmen, ol ejensi, media, indastri, reguleta, kastoma, ol saplaea mo ol patna)
  • Givim ol infomesen we oli save givhan long manejmen blong insiden ia olsem ol log, netwok konfiguresen mo ol taep mo level blong infomesen.
  • Givim ol tul we oli save givhan long manejmen blong insiden ia olsem wan speselis traking mo analisis sofwe.

Maet yu save maganejem ol insiden ia intenali, o yu save gat wan speselis ekstenal risos we i stap blong tekemap kontrol blong proses taem i gat nid.

Ripoting

Hem i mas klia se bae ol insiden ia oli ripotem long hu, long level mo saes blong ol taep blong ol insiden ia. Taem wan insiden i tekples, ol stret pati oli sud save long ivent ia, olsem wanem i kamap, wanem nao ol tret mo ol impak blong wanem i hapen mo solvem isu ia.

Proses ia maet hem i stap long kompiuta o manuel, mo i dipen plante long saes mo wok blong oganaesesen blong yu mo IT infomesen/saeba sekuriti kapabiliti blong hem.

Rimemba se i gud blong ripotem ivent ia long ol defren otoroti olsem data, fanansial mo/o long indastri reguleta blong yu. Be hemia hem dipen tu long neja blong oganaesesen mo ol infomesen we oli kamap.

Maet i gud tu blong ripotem insiden ia long ol stret law enfosmen bodi.

Riviu

Long taem we oli bin stap dil wetem ol insiden ia go kasem i  finis, i gud blong gat wan fomol riview blong asesem rut kos, mo aedentifaem ol teknikol wiknes o ol mistek blong ol man, wokemaot wanem impak bae i afektem bisnes mo implimentem ol stret aksen blong katemdaon ol risk blong ol semak insiden we oli save hapen bakegen.