Hemia i no minim se bae oli no save hakem yu – be yu stap long wan sef saed blong no kam wan viktim long ol atak we oli komon tede. Baj blong yu bae i kam moa impoten taem gavman mo ol narafala oganaesen oli stat blong askem ol saplaia mo ol patna blong kasem wan setifiket olsem wan prerikwesit blong karemaot wan bisnes. Setifikesen ia hem i mekemse se yu gat akses long saeba laeabiliti kava, be i gat sam kondisen.
Ol saeba sekuriti standad
I gat fulap saeba sekuriti standad we oli stap. Wan long olgeta we ol man i save gud long hem, hem i ISO 27001 we nating we i gat wan gudfala gavenans standad mo oli rekognaesem long wol, be hem i had lelebet blong fulap SMEs blong oli save ajivim from se oli disaenm standad ia blong ol bigbigfala kampani mo hem i tekem taem mo hem i ekspensiv. I gud oltaem mo stret blong jekem ol narafala infomesen sekuriti standad sapos oli praktikol mo save sutum bisnes blong yu.