English

Sosel Enjiniering

Sosel enjiniring hem i rod blong fulap kaen blong kraem wetem frod mo stilim aedentiti blong ol man, Hem i stap minim aksen blong kontrolem o giaman long wan man blong mekem sam aksen olsem talemaot ol pesenol o faenansel infomesen … wan kaen blong garem tras blong man mo giaman long hem. Hem i yusum ol filing, fasin mo tingting blong ol man olsem fraet blong lusum wan samting, stap protektem wan samting,wantem blong helpem ol man, o wantem blong mekem ol samting we oli gud long ol nara man. 

I nogat eni limit lo hamas rod ol frodsta i save tekem blong save winim wanem oli wantem. Sosel enjiniering oli mekem blong hem i save pulum gud tingting blong ol man, wetem ol trik we oli kopi ol sos we yu trastem oltaem olsem bank blong yu, polis o wan gavman dipatmen, mo ol frodsta oli save pulum gud tingting blong yu moa blong yu bilivim tru long ol infomesen we oli gat finis we blong yu o bisnes blong yu.

Ol eksampol blong sosel enjiniering

  • Taem yu stap ansa long wan giaman imel we hem i stap klem se hem i kampani blong bank blong yu o kredit kad provaeda, wan gavman dipatmen, wan membasip oganasen o wan websaet we yu stap pem ol samting long hem, mo oli mekem blong yu folem wan link blong givimaot ol konfidensel ditel blong yu – mein wan nao hem i wan paswod, PIN o ol nara infomesen. Hem ia yumi talem se fising.
  • Taem yu stap givim ol ditel blong yu go long wan frodsta we hem i kolem kampani blong yu mo talem se hem i stap kol i kam long bank blong yu o kredit kad provaeda o polis mo oli mekemap wan problem. Oli askem blong yu konfemem ol konfidensel infomesen blong yu blong i save solvem problem ia. Hem ia yumi talem se vising. Oli mekem i go moa blong sendem wan ‘kuria’ blong garem ol peimen kad o ol nara rikod, hem ia yumi talem se ‘kuria frod‘.
  • Yu risivim wan fon kol we i kam long wan man we i klem se hem i wan stret sapot ejen blong kompiuta blong yu o sofwe, mo talem long yu se yu gat wan teknikol isiu. Bae yu harem olsem stori blong olgeta i tru long yu, afta yu o kolig blong yu i givim olgeta ol login ditel blong yu – we hem i save mekem se frod or stil blong aedentiti i hapen. Long wan nara wei, oli garem raet blong gat rimot akses blong kontrolem kompiuta blong yu o netwok, mekem se hem i save kasem malwe. Ol man we oli stap klem se olgeta oli ‘IT sapot’ long bisnes blong yu oli save rikwestem paswod blong yu o paswod blong kolig blong yu blong save kasem akses mo stilim infomesen long ol kampani sistem mo data.
  • Pikimap mo putum i go insaed long ol kompiuta ol USB stik, ol memori kad, ol CD-ROM/DVD-ROM o ol nara storej medeyum we oli minim nomo blong oli stap ledaon mo hem oli gat malwe long olgeta. Hem ia yumi talem se beiting.
  • Taem yu mekem mistek blong givim raet long wan kriminol fisikol akses long ol kompiuta, ol seva o ol mobael divaes.

Stap longwe long ol atak blong sosel enjiniering

  • Neva givimaot konfidensel o faenansel kampani o kastoma data wetem ol yusanem, ol paswod, ol PIN, o ol ID namba.
  • Tekem bigfala kea se ol man o oganasesen we yu stap givim ol peimen kad infomesen long olgeta oli tru, afta neva talemaot ol paswod. Tingbaot se wan bank o wan nara oganasesen we fulap man i save long hem bae neva save askem yu from paswod blong yu tru long imel o fon kol.
  • Sapos yu risivim wan fon kol we i stap rikwestem konfidensel infomesen, konfem se i tru taem yu stap askem blong kola i mas givim wan ful mo stret speling blong nem blong man ia wetem wan kol bak namba.
  • Sapos kola i askem yu blong katemaot kol ia mo kolem bank o kad provaeda blong yu, kolem namba we i stap long bank steitmen blong yu o nara dokumen we i kam long bank blong yu – o hem is we i stap long baksaed blong kad blong yu – be i no hem ia we kola ya i givim long yu, mo iven namba we oli yusum blong kolem yu long hem.
  • No openem ol atajmen we oli kam long ol man we yu no save long olgeta.
  • Neva redi blong klikim ol link long ol imel we oli kam long ol sos we yu no save long olgeta. Be, rolem maus blong yu go ova long link ia blong i showem tru ples we i kam long hem, we bae i show daon long lef kona blong skrin blong yu. Lukaot sapos hem i defren long wanem we i show long tex blong link ia long imel blong yu.
  • No putum ol ekstenol storej divaes o putum i go insaed long ol kompiuta ol CD-ROM/DVD-ROM sapos yu no sua long sos blong olgeta.

Glosari

Wan Glosari blong ol tem we oli yusum long atikol ia:

USB

Univesal Serial Bus: taem ol kompiuta mo ol periferal olsem ol ekstenal storejkibod mo MP3 pleia oli fisikali konek. 

Sosel enjiniering

Yus blong wan oflaen blong kasem akses long ol sekua sistem o pesonal infomeseneksampol giaman se hem i wantem wan ejen we i stap givim teknikol sapot.

PIN

Personal Indentification Number.