English

Taem Yu Salem Ol Samting Long eBay

eBay hem i wan long ol onlaen maketples blong ol bisnes mo tu ol praevet sela, mo fulap man raon long wol i yusum mo save long hem. Wetem milion blong ol defren kastoma evri manis, hem i givim ol ritela mo ol nara bisnes we oli stap salem ol samting, bigfala grup blong ol man we i maet intres blong pem ol samting. Be, lo ril wan se i gat fulap man we i save pem ol samting i save putum yu tu long ol hae level blong risk, agensem we yu nid blong tekem wan namba blong ol gudfala aksen blong blokem ol risk ia. 

Ol risk

  • Ol giaman man we oli stap pem ol samting oli stap kleim from ol rifan long PayPal taem oli stap kleimem ol guds we oli no mekem deliveri blong hem, ol guds we oli no bin askem o olgeta we oli risivim be oli damej.
  • Taem ol man no pem ol samting we yu sendem i go long olgeta.
  • Taem ol man oli pem ol samting long yu yusum ol giaman peimen kad o hem ia we oli stilim.
  • Taem yu stap glad blong helpem wan nara man blong mekem frod, we taem yu stap agri blong salem ol samting we i neva stap, long bihaf blong ol kriminol.

Salem ol samting sef long eBay

  • Tokbaot gud ol prodak stret mo klia blong no mekem se man i no konfus.
  • Adem wan retens polisi o waranti blong givim man we i stap pem samting, strong tingting blong mekem bisnes wetem yu. Yu sud gat gudfala save long ol regulesen blong kastoma proteksen.
  • Yusum fidbak mekanisim blong garem ol gudfala reit we oli hae gud. Givim wan gudfala kastoma sevis blong wan nogud transaksen i no gro i go long wan fidbak we i nogud.
  • Givim ol peimen mekanisim we ol man i save trastem, inkludum hem ia blong saen ap from PayPal.
  • No akseptem Westen Yunion o ol nara mani transfe peimen.
  • No muvum ol guds kasem taem yu sua se ol kastoma i pem yu mo peimen ia i kasem bank akaon blong yu.
  • Jekem fidbak blong ol man we oli pem ol samting.
  • Jusum gud hu nao yu wantem salem ol samting long olgeta. Yu save blokem ol kastoma we oli givim ol fidbak we oli nogud, mo no akseptem blong ol man long ol kantri we yu jusum i traem blong disaed long wan praes we i stret long olgeta. Tingbaot se yu save kanselem ol bid we yu gat daot long hem, be yu mas gat wan stret risen from wanem yu wantem mekem olsem.
  • Taem i gat wan kleim blong wan rifan, jekem oltaem ol mesej long My eBay blong pruvum se kleim i tru bifo yu givim rifan, mo oltaem yusum fes fala peimen metod.
  • Sapos yu salem wan samting long bihaf blong wan nara man, mekem sua se yu save trastem olgeta bifo yu stap agri blong mekem.
  • Tingbaot blong yusum PayPal sela proteksen, we hem i save givim ekstra sefti kava agensem ol lus we oli save hapen from ol kleim blong ol baya, ol jajbak mo ol rivesel.
  • Yusum wan deliveri sevis we hem i givim onlaen trak pruf blong deliveri.

Mo infomesen

Ridim eBay seller protection long https://pages.ebay.com/seller-center/get-started/seller-protection.html