English

Tele & Vidio Konfrensing

Samtaem i nogat wan nara wei blong wan fes-long-fes miting, be ol konfrens kol mo vidiokonfrensing oli givim wan moa gudfala wei blong komunikesen we i nogat-distebens, gat an gudfala kos mo frenli long envaromen, mo we i nogat taem mo ekspens blong travel. Wan long ol ki nid we ol bisnes miting i mas folem hem i konfidensialiti, mo semk i tru long ele mo vidio konfrensing.   

Ol risk

  • From se ol konfrens kol mo vidiokonfrensing sesen oli agri blong mekem olgeta bifo oli hapen, eniwan wetem deilap mo ol akses ditel – maet taem oli lukim invitesen o yusum spaewe – oli save gat akses long kol ia.
  • Taem we oli mekem ol konfrens kol tru long wan VoIP koneksen, i gat wan smol risk blong man i save spae long kol ia from se VoIP i wok ova long ol pablik intanet koneksen. Be, risk ia i smol bitim blong yusum wan nomol lanlaen, we i isi blong man i save yusum blong spae.

Sef tele mo vidiokonfrensing

  • Yusum ol strong paswod, mo no showem long ol nara man.
  • No talemaot ol deil-in ditel go long eni man be olgeta we i gat raet nomo blong tek pat long kol ia.
  • Sapos sevis blong yu i gat wan pablik profael, no givimaot eni sensitif, praevet o konfidensel infomesen long hem.
  • Tingbaot blong gat wan sevis we i manej. Ol defren provaeda oli givim ol defren level blong sekuriti, we i save gat:
  • Pawa blong rikwestem wan hed kaon we bae i riviu long namba blong ol man we oli tek pat long kol ia. Hem ia i winim isiu blong ol man we oli nogat raet blong joinem kol long stat.
  • Lokem ol kol taem we ol man blong tek pat long kol oli kam, blong stopem eni nara wan blong joinem kol ia iven sapos oli gat raet PIN.
  • Tu PIN blong letem se jeaman i gat taet kontrol long wan kol.
  • Ol taem-limit PIN we i save ekspae afta we wan kol i finis.
  • Sapos yu yusum Skype blong konfrens kol o vidiokonfrensing, wari long hu we yu akseptem kontak rikwes blong hem. Setem ap sevis blong yu blong alawem koneksen i kam nomo long ol man we yu save long olgeta.
  • Jekem oltaem wetem provaeda blong yu from ol apdeit mo ol jenis blong fiksim o mekem i gud moa.
  • Mekem sua se yu gat wan efektiv mo apdeitd intanet sekuriti sofwe mo faewol we i wok gud bifo you go onlaen.
  • Mekem sua se yu satp yusum wan sekua Wi-Fi. No dipen long pablik Wi-Fi / ol hotspot we oli sekua, be insted yusum data plan blong yu, o wan VPN.
  • Afta long kol, oltaem riplesem hanset o, long saed blong Skaip mo ol nara vidio sevis, klikim ‘End kol’ blong mekem se wanem yu talem o mekem i stap konfidensel long ol taem we i stap kam.

Glosari

Wan Glosari blong ol tem we oli yusum long atikol ia:

VPN

Vetual Praevet Netwok: wan metod blong krietem wan sekua koneksen bitwin tufala poin ova long intenet. Oli yusum nomo long ol bisnis-to-bisines komunikesen.

Wi-Fi

Luk 'waeles netwok'.

VoIP

Vois ova IP: wan teknoloji blong transmitim fon-laek vois konvesesen ova long intenet.

PIN

Personal Indentification Number.