Ofis mo haus Wi-Fi i yusum semak teknologi (802.11). I gat sam isiu we oli save kamaot we oli nomol, mo wanwan long olgeta i gat ol risk blong hem wan. Yu save protektem yu wan long wan isi wei tru long tekem sam simpol prikosen.
Ol risk
Sapos waiales hab/ruta blong yu i no sekua, i no otoraes / ol man o oganasesen we yu no save i save kasem isi akses sapos oli stap long renj blong waeles ia. Hem ia i save mekem ol risal ia:
- Ol konfidensel mo sensitif infomesen we yu maet stap sendem o risivim onlaen i kasem ol nara man, mekem se i risal long ol defren siries penalti.
- Oli tekem ap bandwid blong yu – mekem i afektem onlaen spid blong ol kompiuta blong yu wan mo ol nara divaes.
- Daonlod alawens blong yu i finis, hem ia we yu bin pem long Intanet Sevis Provaeda blong yu (ISP).
- Daonlodem ol materiel we oli nogud, we oli save tresem i go long adres blong yu mo i no go long man we i yusum divaes long wei we no stret.
Sef waeles netwoking
- Bitim evriwan, yu save stap longwe long ol risk taem yu mekem sua nomo se waeles hab/ruta blong yu i sekua. Blong jekem se i sekua, mekem wan sej blong ol avelebol waeles netwok, mo olgeta we i sekua bae i gat wan lok saen long hem.
- Taem we yu jes konek long wan kompiuta, smatfon, tablet, printa o eni nara waeles divaes we i save konek long eni waeles hab/ruta, bae i mekem yu blong enterem paswod/ki, be netwok i mas stap long sekua mod. Hem ia bae i save mekem divaes ia i konek long taem ia mo blong fiuja yus. Blong ol sekuriti risen, yu sud jenisim paswod/ki go long wan we yu jusum bifo yu yusum Wi-Fi from eni komunikesem o transaksen we i konfidensel.
- Sapos yu stap setem ap wan niufala hab/ruta, bae hem i save gat sekuriti ten on long hem long defol finis. I gat tri mein enkripsen level we oli stap (WEP, WPA mo WPA2), WPA2 hem i bigwan bitim ol nara wan. Fulap hab/ruta oli givim yu opsen blong selektem wan hae level, be tingbaot se sam olfala divaes oli no save wok gud wetem ol hae level.
- Sapos blong eni risen we wan haus/ofis/mobael waeles hab/ruta/dongel we yu wantem blong konek long hem i no sekua, jekem yusa manual blong helpem yu.
- Mekem sua se yu gat wan efektiv mo apdeitd intanet sekuriti sofwe mo faewol we i wok gud bifo you go onlaen.
- Kipim ol Wi-Fi kod i sef blong ol man we i no otoraes blong konek bae oli no save,
- Tingbaot se akses kod i nomol blong oli printim long hab/ruta, mekem se tekem kea blong tekemaot, o garemaot hab/ruta ia nomo taem ol man we yu no save long olgeta i kam long bilding.