Ol risk
- Ol PC we oli ranem Windos XP oli wik tumas long ol infeksen long saed long Malware, wetem ol kriminal oli awea gud long ol wiknes ia.
- Malware olsem ol kriminal oli yusum blong fulap rison, olsem:
- Blong stilim ol konfidensel ditel blong oganaesesen blong yu blong yu blong oli komitim frod, esponas mo ol narafala kraem.
- Blong infektem kompiuta blong yu/o netwok wetem ransomware.
- Blong komitim aedentiti teft blong aplae long ol bank akaon, ol paspot mo ol narafala samting long nem blong yu.
- Blong monitorem imel mo ol narafala komunikesen.
- Blong mekem ol PC blong yu i kam pat blong wan botnet, we oli stap yusum oltaem blong atakem ol koperet o ol gavman websaet.
- Hem i kontinu blong kam moa had blong sevisim o riperem ol PC we oli ranem Windos XP, ol softwe we oli sapotem blong ranem olgeta.
- I gat fulap moa namba blong ol divaes mo sofwe program bae oli no wok wetem Windos XP.
- Ol anotoraesed entri long infomesen sistem blong yu, we i lid i go blong oli save aksesem o stilim ol data blong yu, i nogat komplaeans wetem ol ‘insura’ mo/o ol kastoma standad mo brijim ol data proteksen regulesen.
Riplesem Windos XP
Bifo yu mekem wan long ol samting ia, hemi impoten se yu bakap long ol data long PC blong yu, mo mekemsua se oli save aksesem mo rikaverem long wan narafala masin.
Apdeitem kompiuta blong yu
Fasfala resolusen hem i blong instolem wan niufala vesen blong Windoa …. sapos hem i Windos 10 from ol fija blong hem mo hao i wok. Be i gat smol ol olfala kompiuta nomo oli save ranem Windos 10, mo i gat fulap opsen blong yu sapos yu stap konsiderem blong muv i go long ol moden PC we oli gat ol niufala prodaktiviti mo kolaboresen tul. Yu sud toktok long wan Maekrosof Setifaed Patna blong andanstanem ol gudfala opsen we oli save mitim ol nid blong yu.
Blong ol bigfala oganaesen mo ol entapraes, Maekrosof i oferem ol dip teknikol risos, ol tul, mo ol ekspet gaed blong mekem isi deploimen mo manejmen blong Windos, ofis mo ol Intenet Eksplora prodak mo ol teknoloji. Blong lanem moa long saed blong maegresen mo ol deploimen program, kontaktem Maekrosof sels representiv blong yu o Setifaed Maekrosof Patna. Yu save lanem tu hao blong paelotem mo diploem wan moden desktop yuwan, long fri Maekrosof Diploimen Tulkit.