English

Akseptem ol Tem & Ol Kondisen

Taem yu yusum intenet, oltaem bae oli wantem yu blong akseptem ol Tem & ol Kondisen bifo yu save gohed long ol soping, bankiing, daonlod mo ol narafala task. 

Samtaem, hemia bae oli rikwarem wan taem nomo – eksampol taem yu gat wan yusa akaon blong yu we yu setemap finis. Long ol narafala keis, ating bae oli wantem yu blong klik long wan ‘Aksep’ o ‘Prosid’ opsen evritaem yu pefomem wan task, eksampol taem yu daonlodem ol sofwe apdeit.

Fasin blong akseptem ol Tem & ol Kondisen i no min se yu bin ridim gud olgeta bifo yu akseptem. Fulap pipol oli no ridim from ating ol Tem & ol Kondisen ia oli longfala, o ating oli ting se oli stret mo oli folem loa.

Hem i impoten blong yu rimemba se taem yu akseptem ol Tem & ol Kondisen oli olsem wan strong ligal-baending kontrak. From hemia, yu mas mekemsua se yu ridim olgeta fastaem bifo yu akseptem. Taem yu mekem olsem bae yu haremgud se agrimen ia yu stap go insaed long hem i stret gud long yu mo tu long olgeta saplaea o websaet ona.