Proses ia – we wan teknoloji we oli talem se Nia Fil Komunikesen (NFC) i givim raet – mo i wok tru long wei blong wan waeles jip we i gat ol peimen kad ditel blong man we i stap yusum, we i stap insaed long wan mobael fon (yu save luksave long saen blong smol pija we i stap long pej ia) o long wan peimen kad. I mekem se ol man we stap yusum ol peimen kad blong mekem ol peimen we i kasem ol praes blong ol samting long ol stoa, ol kafe mo ol nara ples blong salem ol samting, tru long wei blong saksakem smatfon blong yu o wan kontakles kad i go mo kam ova long wan stret kad rida, we i nogat nid blong putum kad blong yu i go insaed o yusum wan PIN. Oli save yusum teknoloji ia tu blong pasem ol advetaesing o infomesen mesej i go long ol fon we oli gat NFC long hem taem we oli pas klosap long wan tag kad rida o wan posta we i stap insaed long sto. NFC teknoloji i yus bigwan long ol membaship kad mo fisikol akses kontrol.
Taem se ol kontakles peimen i kwik mo stret blong yusum, ol man we oli stap yusum oli gat janis tu blong save fesem ol sekuriti mo sefti problem we i save kerap.
Ol risk
- Taem we yu no save mo stap pem wan samting blong wan nara man long taem we yu pasem fon blong yu we i gat NFC long hem o wan kad ova long wan kontakles rida, taem we oli stap prosesem transaksen blong olgeta.
- Pem ol samting yusum rong akaon from se kad rida i faenem rong kad.
- Taem we oli stilim faenansel infomesen blong yu – o oli mekem kopi long kad blong yu – tru long waeales signol we ol frodsta i kasem.
- Infomesen we i send tru long fon blong yu we i gat NFC insaed, wan nara grup i yusum long frod o jensem taem we i stap transmit.
- Yu no save mekem ol peimen sapos batri blong fon blong yu we i gat NFC long hem i flat.
- Yu no save mekem ol peimen sapos fon blong yu we i gat NFC long hem i lus o wan man i stilim.
- I save hapen se yu no save mekem ol peimen i go ovasi from i nogat ol standed we yu shud folem.
- Yu no bin dilitim gud ol faenansel infomesen blong yu taem yu stap salemaot, givimaot o sakemaot NFC fon blong yu blong nomo yusum.
- Oli waepem aot NFC jip blong yu long wan rimot ples – maet long mistek o wan man i minim blong mekem olsem.
Yusum ol kontakles peimen long wan sef wei
- Sapos yu gat wan fon we i gat NFC long hem, mekem sua se i lok oltaem taem we yu no yusum, tru long wan PIN, we yu mas jensim oltaem.
- Tekem ekstra kea blong no lusum o spolem fon blong yu we i gat NFC long hem from se long ril wan, hem i wan nara paos blong mani.
- Protektem ol kontakles peimen kad blong yu, emia tru long blong pem ol spesel sliv o walet, blong ol nara man i no save stilim, o taem yu mestem we yu pem wan samting blong yu wan o blong ol nara man.
- Mekem sua se yu ridim mo andastandem ol tem mo kondisen blong bank blong yu blong yu klia se hu nao bae i pembak sapos i gat wan rong peimen o wan sekuriti brij.
- Oltaem jekem ol bank steitmen blong yu gud blong mekem sua se i nogat eni peimen we i kamaot long akaon blong yu, we yu no save o givim raet blong i tek ples, maet oli minim blong mekem olsem o oli mekem long mistek.
Sapos yu bin gat wan problem
Long fes stat, kontaktem stret bank o kampani we i givim kad long yu.