English

Daonloding & Fael Sering

Daonlodem konten long intenet hem i wan gudfala wei blong enjoem myusik, video, ol gem mo narafala entetenmen. Daonloding hem i konvenien wei blong kasem ol infomesen long fom blong ol Wod dokumen, PDF, ol foto mo ol narafala fael. Mo tu, fulap sofwe mo ol periodikol apdet oli save daonlodem long intenet.  

Daonlod hem i defren long striming, we ol man i sendem ol vidio, musik o saon tru long intanet blong yu waj mo lisen long hem long ril taem, bitim taem yu save traem blong sevem go long kompiuta blong yu blong yusum afta.

Ol risk

  • Mekem ol vaeres i go long ol kompiuta – we i kam long tufala tugeta websaet mo pia-tu-pia ol fael-searing prokram.
  • Stap instolem ol adwe we bae oli stap soem ol popap advetismen we bae i mekem ol pipol bae oli kros.
  • Instolem spaewe we i mekem se ol krimonol oli obtenem ol pravet infomesen we i konfidensel long saed blong winim mani o stilim aedentiti.
  • Taem we faeawol blong yu i brok, speseli taem yu yusum ol program blong pia-tu-pia fael-sering.
  • Daonlodem ol materiel we oli save spolem ol man / ol materiel we oli no folem loa o ol vaeres we oli giaman se oli wan nara samting.
  • Brekem ol rul blong kopiraet Iven sapos yu tingse i gud tumas blong yu daonlod long ol fri sofwea, musik mo vidio, hem i agensem loa blong stilim ol samting we oli stap long kopiraet.

Daonload we i sef

  • Mekem sua se yu gat wan efektiv mo apdeted antivareas/antispaewe softwe mo faeawol we i stap ran bifo yu stat blong daonlod.
  • Daonlodem ol eksekutebol fael (.exe) wetem bigfala kea. Hem ia ol fael we ol program oli stap yusum blong mekem oli ran long kompiuta blong yu. Be, oli stap yusum tu blong karem ol vaeres.
  • Yusum ol daonlod websaet we yu trastem bitim ol sistem blong pia-tu-pia blong obtenem ol program.
  • Yu mas lukluk gud taem yu stap daonlodem eni samting, from ol man i save putum eni nem we oli laekem long ol fael blong olgeta. Wan samting we yu luk olsem hem i wan klip we i kam long wan niufala saens-fiksen muvi hem i save wan nogud pon o wan fael we i fulap long vaeres.
  • Daonlodem musik nomo long ol saet we yu pem olsem iTune, Google Play, o ol websaet blong ol ritela we yu trastem.

Sef pia-tu-pia fael sering

  • Sapos yu mas yusum fael-sering sofwea long bisnes blong yu, mekem sua se yu jusum wan sef sofwea, instolem long wan sef wei mo yusum long stret fasin blong hem.
  • Instolem ol fael sering aplikesen nomo taem yu gat ol intanet sekuriti sofwe we oli wok gud mo apdeit, mo faeawol i stap ron gud.
  • Tingbaot blong pem wan vesen we ol advetaising i no fandem, blong save daonem risk blong adwe we oli instolem.
  • Daonlodem sofwe nomo we i kam long ol websaet blong ol kampani we i mekem sofwe ia o olgeta we oli garem raet blong salem bagegen ol sofwe ia.
  • No letem ol man i go stret long ol fael blong yu mo lukluk olgeta, mo konfigarem prokram ia wetem kea, blong yu nomo yu save serem ol fael we yu wantem mo kipim ol narafala fael blong yu mo ol pesonal infomesen blong yu oli praevet. Hemia bae yu avoidem blong serem ol imel blong yu, ol foto, faenansal ol infomesen o ol wok fael wetem ol strenja
  • No serem ol material we oli stap long kopiraet.

Yu save luk moa infomesen blong stil long saed long kopiraet long ples ia:

FAST: Federesen Agensem Stil Blong Sofwe (UK saet)

FACT: Federesen Agensem Stil Blong Kopiraet (UK saet)

IFPI: Intanasenol Federesen blong Fonografik Indastri.

Glosari

Wan Glosari blong ol tem we oli yusum long atikol ia:

PDF

Potebol Dokumen Fomat: hem i wan metod blong sevem wan dokumen blong i save open mo oli save viuem long ol devaes we oli stap yusum ol defdefren sistem.

Daonlod

Blong obtenem konten long intenetolsem wan imel atajmen o long wan rimot kompiutai go long had draev blong yu.