Ol risk
- Ol giaman job post we i lidim yu long frod mo oli stilim ol aedentiti blong yu.
- Ol phishing imel we mekem yu blong visitim ol frodulen websaet.
- Ol Premium reit telefon skam we oli trikim ol pipol blong oli bilivim se hem i wan job intaviu.
- Frodulen wok long wok skim wea bae oli no save pembak yu o riembesem yu blong ol wok yu bin mekem, o laebel blong ol ekspenses we oli kamap long taem blong postej mo ol telefon kol.
- Oli trikim yu blong yu pem wan deposit blong kasem wan job.
- Ol trikem yu blong yu pem wan deposit blong non-ekisten polis mo ol narafala sekuriti jek.
- Oli askem yu bakegen blong raetem mo impruvum resume blong yu blong kasem wan job.
- Yu no save se yu stap patisipet long wan kriminol aktiviti.
- Givimaot ol pesonal o faenansel infomesen long ol onlaen aplikesen fom mo ol profael.
- Givimaot ol pesonal o faenansel infomesen long yu long ol resume.
- Ol kriminol oli hakem ol akaon blong yu.
- Yu no save wanen yu stap mekem mo yu notifaem emploia blong yu se yu stap lukaotem wan niufala job.
- Ol pesonal sefti blong yu oli ekposem long wan nogud wei hemia tru long ol fek o giaman potensel emploia.
- Ekspos long ol vaeres mo spaewe
Sef job saet rejistresen
- Taem yu stap rejista long wan job saet, fastaem mekem sua se saet ia hem i oli rekonaesem se hem i stret mo i gat wan fisikol adres mo lanlaen fon namba.
- Fulap job saet oli oferem ol fleksibiliti weta yu kipim profael blong yu i ‘pablik’ o ‘konfidensel’ o ‘praevet’ (bae oli no save kwestenem yu bakegen). Ol rispekted saet bae oli eksplenem long yu defrens, mo yu sud jusum opsen we i moa stret o gud long yu.
- Yu neva givimoat ol infomesen blong yu olsem Nasonal Insurens namba, draeva laesens namba, bank akaon infomesen, kredit kad infomesen, paspot namba o det of bet.
- Selektem mo yusum wan sef paswod mo no rivilim long wan man.
Ol sef resume
Neva givimaot ol praevet infomesen blong yu olsem Nasonal Insurens namba, draeva laesens namba, bank akaon infomesen, kredit kad infomesen, paspot namba o det of bet.
Avoidem o kipaot long mani londering
I gat sam mani londering aktiviti (mani we oli transferem iligoli) we ol kriminal oli karemaot taem oli yusum ol pesonal akaon blong ol narafala pipol blong muvum ol mani we oli stilim. Yu neva givimaot pesonal bank akaon blong yu kasem yu winim aplikesen blong yu, mo yu glad se emploia blong yu hem i wan we i folem loa.
Kipaot long ol Skam
Sapos yu bin risivim wan imel we oli klemem se i kam long wan gudfala emploia we hem i bin luk resume blong yu long wan job saet, tekem kea taem yu klik long ol link mo mekem sua se oli go long wan job posting we hem i loaful.
Ol wok long hom skim
Wok long hom skim hem i wan stret mo fevoret viekel blong ol man we oli komitim frod. Yu mas gat wari long ol envelop-stafing (ol fila), asembli wok mo medikol biling o kleim prosesing wok. Ol wok-at-hom emploia we oli folem loa bae yu faenem oli willing mo save ansarem ol kaen kwesten abaot program blong olgeta. Hemia samfala kwesten blong askem:
- Wanem ol task we bae yu mas mekem (askem emploia blong listim evri step long wok ia).
- Weta bae oli pem yu wan salari, o pei blong yu i beis long komisen.
- Hu nao bae i pem yu.
- Wanem taem bae yu kasem fes peimen blong yu.
Ol narafala infomesen
- Mekem sua se wan potensel emploia hem i stret mo i tru bifo yu go blong mitim hem long wan intaviu, blong mekem sua se pesonal sefti blong yu i nogat tret.
- Yu mas wari long ol aproj long ol job long ol sosol media saet we yu gat wan profael.
- Mekem sua se yu gat wan efektiv mo apdeited antivaeras/antispaewe sofwe mo faewol we i ran gud bifo yu go onlaen.
- Lukluk lon UK SAFERjobs websaet (www.safer-jobs.com) blong karem moa advaes olsem wanem yu stap sef taem yu stap faenem job.