Ol Loyalti skim memba oli save bilimap sabstensial kredit blong olgeta ova long wan period, hemia i dipen long hamas oli spendem mo wetem hu. Be wan samting we i nogud, samting ia save mekem hem i wan atraktiv taget blong ol frod man, we oli stap eksploitem olgeta olsem:
- Fulap pipol oli yusum ol semak login ditel i go long ol loyalti kad akaon blong olgeta olsem ol narafala akaon blong olgeta, mekem se ol frod man oli save hakem ol akaon blong olgeta.
- Fulap skim opereta oli no ekesaesem semak sekuriti olsem ol bank..
From ol skim oli no daerekli provaedem akses long ol stret kas o mani – plante pipol oli rigadem olgeta olsem wan bonas we oli no save risivim sapos oli no mekem ol pejes o pem ol samting – afta oli no tingting tumas blong sefgadem ol kad o ol akaon blong olgeta bitim ol bank akaon. Hemia hem olgeta oli open long aksen blong frod.
Ol risk
I save gat akaon tekova, yumi save talem se loyalti skim akaon blong yu oli aksesem we i no folem loa, from ol samting ia:
- Yusum semak login ditel (imel adres mo paswod) olsem wan long ol narafala akaon we i Hemia hem i speseli taem ol pipol oli bin memba blong ol loyalty skim we det blong hem i go bak long taem we ol strong mo yunik paswod oli no impoten.
- Oli giaman long yu blong yu rivilim loyaliti kad seriel namba blong yu onlaen, long telefon o oli askem daerek long yu.
- Lusum loyalti kad blong yu o oli stilim
- Kad blong yu oli mekem kopi lon hem
- Yusum wan nambatri-pati loyalti app we hem i kolektem ditel blong yu inkludum nem blong yu, adres, telefon namba, det of bet mo ol soping habit Ol app olsem maet oli no sekua o maet oli giaman o frujelen. Mo tu, ol app operetta olsem oli save salem data blong yu long ol narafala oganaesesen, we i save kosem yu blong gat ol spam fon kol, imel mo/o teks.
Hao blong avoidem loyalti kad frod
- Tritim ol loyalty kad wetem semak kea olsem we yu mekem long bank o stoa kad. Rimemba, hem i wan aset wetem stret o ril valiu.
- Neva givimaot kad blong yu long eni man we yu no sua long hem weta hem i provaeda, o wan oganaesesen we stap kasem ol ridiming points. Ol frojelen rikwes ating bae yu risivim long imel, fon kol, teks, wan link long sosol media o olsem pat blong kompetisen entri.
- Sapos yu risivim wan fek kol, imel, teks o narafala mesej we oli kleim se oli blong loyalist kad provaeda blong yu. Kokem bak namba long bak blong kad sapos yu gat kwesten.
- Yu no postem ol foto blong yu long loyalti kad blong yu long sosel media.
- Selekem wan strong paswod, mo meksua se yu no yusum semak paswod blong loyalty kad blong yu long ol narafala akaon. Advaes ia i aplai long evri onlaen akaon.
- Jenisim paswod blong yu oltaem – mekem hem i defren olgeta long eksisting wan – in kes yusanem/imel blong yu mo paswod i apia long lis blong ol login ditel we oli hakem mo serem wetem ol kriminal.
- Log aot long akaon blong loyalti kad websaet o app taem yu komplitim transaksen blong yu, o finis jekem balans blong yu. Yu klosem peij o ap maet bae i no naf blong logaot.
- Neva enterem ol login o narafala pesonal ditel long ol nambatri-pati loyalti app, hemia olgeta we oli no operet daerekli long ol individual loyalti skim opereta olgeta nomo. Ol honest opereta oli nogat eni asosiesen wetem ol app ia, mekem se oli no stap insaed long ol praevesi mo kuki polisi. Sapos yu gat tu tingting, askem ol ofisal loyalti skim operetta.
Ol narafala advaes
- Jekem ol poin balans blong yu long onlaen oltaem o long instoa.
- Sapos yu wan viktim blong loyalti kad frod, ripotem long loyalti skim opereta kwik taem long ol kontak ditel we i stap long ofisal websaet blong olgeta.