Yu nid blong luksave ol potensel risks blong yusum ol jatrum mo hao blong handlem olgeta. From i gat fulap long ol pipol we oli stap onlaen we olgeta oli ol strenja mo ol diskasen blong olgeta oli no filterem mo moderetem.
Ol risk
- Handelem ol komen we oli gat vaelens, seksual, strong tingting tumas o resis, o oli ol rabis aktiviti mo ol atitud we oli gat hetfiling.
- Ol strenja we yu mitim long ol jat rum ating olgeta oli ol saeba stilman we oli folem ol man, oli gat ol tingting blong spolem o harasem yu, fosem yu blong yu jenisim ol bilif blong yu o gat ol seksual tingting long yu.
- Oli save giaman long ol yangfala adol mo ol pikinini blong oli stap gat ol rabis storian wetem ol rabis adol
- ‘Flaming’ samtaem oli minim ol taem we yu save kasem ol toktok we oli olbaot mo ol strong opinion mo emosen Hemia i save mekem ol storian i no stret nating long evriwan we oli stap long rum.
- Ol narafala pipol long ol jatrum oli save trikim yu blong yu givim ol pesenal mo fanansial infomesen long jatrum o long ol giaman websaet.
Gat sef jat
- Yu mas save huia yu trastem mo rimemba se samfala onlaen ‘fren’ ia oli ol strenja.
- Kimpim ol pesonal infomesen blong yu oli sekret taem yu stap komplitim ol profael o ol onlaen jat (nem, adres, telefon namba, mobael namba, praevet imel adres, pija), nating we ol pipol oli askem long yu.
- Rimemba oltaem yu save log aot blong kipaot long ol situesen olsem we oli no stret, o jenisim nem blong skrin blong yu.
- Yu mas gat strong tingting blong blokem ol pipol we yu no wantem jat wetem olgeta.
- Tingting gud bifo yu ansarem ol praevet mesej.
- Yu no yusum stret nem blong yu – be yu save yusum wan narafala nem olsem niknem blong yu (be yu no kamap wetem wan nem we bae i atraktem ol ol rong tingting)
- Yu tekem aksen sipos yu tingse ol fren blong yu oli gat risk.
- Yu lanem blong kipim/sevem wan kopi blong konvesesen long jat – hemia i save kam yusful taem yu wantem ripotem wan samting
- Ripotem ol pipol we oli stap brekem ol rul long jatrum provaeda.
- Yu mas keaful taem yu tingting blong miting wan pesen aotsaed we yu jes mitim onlaen Talem wan famle memba o wan fren blong kam wetem yu – long fes fala visit ia. Mitim hem mo stap long wan pablik ples. Oltaem yu mas gat wan mobael fon wetem yu we hem i on. Yu mas gat wan klia tingting Tekem kea long ol pesonal samting.