Ol risk
- Wan hae risk blong save lusum oksen ia taem yu bin spendem mani long ol bid finis, from se ol oksen i open long eni namba blong ol man we yu no save long olgeta we oli stap plei, inkludum olgeta long ol nara kantri.
- Taem yu putum plante moa bid mo no luksave hamas yu stap spendem.
- Yusum ol otometed bid we i save mekem ol gem i longwan mo mekem se kompetisen i hae long ol man we oli kompit agensen yu blong oli stap long gem.
- Netwok mo ol nara teknikol problem we i save mestem blong mekem se ol bid i lusum taem long ol impoten sekon, speseli taem fulap man long ol difren kantri oli stap plei long semak gem.
- No gat save skelem ol taktik blong ol nara man we oli mekem bid.
- Taem risivim ol guds we i no maj nating wetem wanem we man we i advetaes i talem.
- No risivim ol guds we yu winim long bid.
- Taem we oli stilim aedentiti blong peni oksen blong yu mo yusum long saed blong frod.
- Taem we oli stilim pesonal/faenansel infomesen blong yu mo yusum long saed blong frod.
- Ol giaman imel, we man we i sendem i se i kam long wan peni oksen o onlaen peimen saet, be ril wan se i kam long ol kriminol we oli wantem pulum tingting blong yu blong yu go long wan giaman websaet mo oli garem ol pesonel infomesen blong yu olsem ol login ditel blong onlaen peimen akaon blong yu.
Yusum ol peni oksen long wan sef wei
- Lukaot blong yusum ol saet we oli save givim giaman infomesen long yu o mekem frod i hapen. Lukaotem ol onlaen riviu o ol komen blong ol saet ia blong luk sapos i gat eni man we oli bin yusum mo oli fesem sam had taem wetem.
- Save wanem yu stap tekem yu go insaed long hem: from se yu pem blong mekem bid, ol websaet blong peni oksen oli semak olsem ol loteri bitim ol nomol oksen websaet. Ol saet i save givim ol dil – be taem yu adem evri kos blong ol bid, bae yu save luk se wanem we yu spendem mani from i moa bigmani bitim wanem yu ting se bae i smol nomo.
- Save gud long ol ligel raet blong yu olsem wan we i stap spendem mani blong pem ol bid. Yu save gat sam raet blong givimbak ol guds mo garembak mani sapos ol guds we yu bin risivim oli no stret kwaliti, oli no fit long wanem yu pem olgeta from o oli no semak long wanem sela i talemaot.
- Oltaem jekem ol tem mo kondisen blong ol sela from ol taem limit blong i nogat eni rao.
- Tingbaot se yu no save gat raet blong givimbak ol guds from nomo yu tingting blong yu nomo wantem olgeta.
- Oltaem ridim smol print mo klia gud long wanem yu stap saen ap from bifo yu agri long eni tem mo kondisen.
Mo tingbaot oltaem…
- Yusum ol strong paswod Neva talemaot ol peni oksen mo onlaen peimen paswod blong yu long eni man.
- Sapos yu tingse wan man we i nogat eni raet i stap aksesem peni oksen o onlaen peimen akaon blong yu, tekem aksen kwiktaem. Jekem onlaen help pej blong saet ia.
- Lukaot gud blong yu no klik long ol link we i kam long ol grup blong ol imel, we yu no bin givim raet blong oli stap sendem kam long yu. Eksampol, i gud mo blong yu taepem websaet adress blong bank blong yu i go stret long brawsa blong yu, o yusum wan bukwom we yu bin mekem yusum stret adres.
- Sapos yu pem wan samting yusum peimen kad, tingbaot se wan kredit kad i givim bigfala proteksen bitim ol nara metod long saed blong frod, ol promes sapos ol prodak we yu bin pem i no wok gud, mo prodak we yu bin pem be i no deliva long yu.
- Taem yu stap pem mani yusum onlaen peimen sevis o peimen kad, mekem sua se link ia i sekua, long tu wei:
- I sud gat wan saen blong wan lok long brawsa windo frem, we i kamaot long skrin taem yu stap traem blong log in o rejista. Mekem sua se saen blong lok ia i no stap long pej ia hem wan … hem ia i save soemaot se hem i wan giaman saet.
- Web adres i sud stat wetem ‘https://’. S ia hem i minim ‘sekua’.
- Hem i soemaot nomo se link bitwin yu mo ona blong websaet hem i sekua, be i no minim se saet ia hem i save tru. Yu mas mekem olsem taem yu stap jekem gud adres from eni speling we i rong, ol adisenol toktok mo karekta mo ol nara samting we i no nomol.
- Oltaem log aot long ol saet we yu bin log in long olgeta o bin putum ol rejista ditel blong yu long hem. Taem yu stap klosem brawsa blong yu nomo i no naf blong mekem sua se i gat praevesi.
- Kipim ol risit.
- Jekem ol kredit kad mo ol bank steitmen wetem kea afta we yu mekem soping blong mekem sua se korek amaon i debit, mo tu nogat frod i tekem ples from transaksen ia.
- Mekem sura se yu gat wan efektiv mo apdeitd antivaeres/antispawe sofwe, mo wan faeawol we i wok gud bifo you go onlaen.
Sapos yu ting se yu bin wan viktim blong frod:
Ripotem i go long polis.