English

Ol Taks Skam

Ol frodulen phishing imel oli kleim se taks ofis nao oli isuem olgeta mo oli dimandem peimen o oli notifaem yu long wan rifan, we i bin stap finis long sam yia we i pas. Oli stap yet, sapos no hem i moa, popula wetem ol skama.

Ol frodulen imel olsem yu save risivim long eni taem long yia be long ol bisi period oli save kam antap moa from fulap man oli stap tingbaot ol taks afea blong olgeta.

Mo tu fulap phishing imel oli ripotem olgeta long taks ofis mo ol hoaks websaet oli stap klos daon, long evri yia.

Ol risk

  • Sapos yu wan takspeia o gat ol narafala bisnes wetem taks ofis, yu save risivim wan phishing imel we i rikwestem konfidensel infomesen we i save mekem ol grant kriminol oli save gat akses long bank blong yu mo ol peimen kad akaon.
  • Long narafala wei, imel ia ating i save inkludum wan atajmen we oli kavremap olsem wan jenuwen dokumen, be hem i stap introdusum wan vaeres we oli save yusum blong difrodem yu, stilim aedentiti blong yu, spae long yu o holem yu blong fanensel ransom.

Wan narafala risk, oli save influensem yu blong yusum wan anofisol sevis insted long taks ofis websaet, mo oli save jajem yu ol hae fi blong ol sevis we oli fri o oli stap long wan kost we i daon long saed blong gavman. Olgeta ia oli save olgeta olsem Ol kopikat websaet.

Protektem yuwan

  • Rimemba se taks ofis o ol narafala gavman oganaesesen bae oli neva infomem yu abaot wan taks ribet o penaliti – o rikwestem ol pesonal peimen infomesen ditel – long imel, teks o sosol netwoking post.
  • Lukaot long ol imel we:
    • Oli gat wan senda imel adres we i defren long taks ofis o websaet adres blong wan narafala organaesesen we yumi trastem.
    • Oli sendem long wan defren adres o wan fri webmel adres.
    • Oli no yusum propa nem blong yu, be wan non-spesifik griting olsem “Dia Kastoma”, “Dia Takspeia” o nogat griting nomo.
    • I gat wan tingting blong ejensi; eksampol wan tret olsem sapos yu no akt kwiktaem, akaon blong yu bae i klos o maet yu misim wan peimen o rifandem kleim dedlaen.
    • Oli rikwestem pesonal infomesen olsem yusanem, paswod o ol bank ditel
  • Yu mas keaful long ol imel we oli kontenem ol atajmen. Sapos yu gat daodt o tu tingting, yu no klikim atajmen mo delitim imel, yu no respon mo yu no fowodem be yu save mekem sapos yu wantem ripotem long wan otentik oganaesesen.
  • Yu lukaot long ol kopikat websaet, we oli save jajem yu long wan hae fi from wan sevis we maet i fri, o stap long wan lowa kost long saed long gavman saet. Ol saet ia oli kostem yu mani we i no nesesari mo maet oli no deliva wan sevis nating, iven we oli kamap strong long Google mo ol narafala sej enjin.

Luk tu...