Yu mas rimemba se, ol parental kontrol tul oli stap nomo blong givhan, mo oli no wan feil sef ansa. Oli no ol onlaen ‘bebisita’ … yu nid blong save wanem pikinini i stap mekem onlaen.
Hemia ol defren taep blong prikosen we yu save yusum:
Parental kontrol long kompiuta blong yu o mobael divaes
Olgeta kompiuta mo mobaek divaes we oli salem blong pablik yus oli mekem olgeta olsem long wan standad long yu olsem wan peren i save filterem ol konten, we yu no wantem blong ol pikinini blong yu (o long mata ia eni narafala akaon holda) oli aksesem. Ol tul ia oli save aksesem tru long kompiuta kontrol panel o ol narafala divaes seting skrin. Sapos yu gat daot olsem wanem blong aksesem mo setemap, rife long ol onlaen help o askem ritela blong yu.
Parental kontrol softwe blong pem o daonlod
I gat bigfala namba blong ol defren brand o ol taep blong ol parental kontrol softwe we oli avelebol blong tugeta kompiuta mo ol mobael divaes. Jusum wan long ol bigfala, global vendo we oli trastem, mo ridim ol riviu mo ol advaes.
Long jeneral, oli enebelem yu blong filteremaot ol kontent we oli no stret o nogud olsem ponografik mo materail we oli vaelen, we hem i ridiusim ol janis blong ol pikinini blong yu oli ekspos long hem. Samfala oli alaom yu blong setemap ol defren profael sapos yu gat ol pikinini oli gat ol defren eij we bae oli aksesem kompiuta o ol narafala divaes.
Yusum ol sosol netwoking saet blong wan kaen o wan narafala hem i sekon-Samtaem, ol filta ia oli save ova o anda-blok, mekem se pikinini blong yu bae i no save aksesem samfala saet we oli gud mo oli stret, o samtaem bae oli luk ol peij we oli no appropriet long eij blong olgeta. Plante bae oli letem yu blokem o no blokem ol patikula saet blong givim yu moa kontrol.
Samfala parental kontrol softwe oli letem yu blong monitorem ol onlaen aktiviti blong pikinini blong yu. blong yu save luk wanem websaet oli stap go insaed long hem mo hao long oli stap long hem. Samfala oli iven provaedem yu wetem ol ripot blong ol sosol netwok aktiviti blong pikinini blong yu.
Samfala program oli letem yu blong yu setem ol taem limit long ol onlaen aktiviti blong pikinini blong yu – oli restriktim akses long intenet, o long samfala websaet long samfala taem blong dei. From hemia, yu save blokem ol sosol netwok o entenmen saet taem pikinini blong yu hem i sapos blong mekem homwok blong hem.
Yu save aksesem softwe ia via login long eni taem blong modifaem ol filta mo ol blok mo ol anblok saet, kasem pikinini blong yu i kam bigfala o olda. Mo wetem softwe, hem i impoten blong pefomem ol apdeit taem oli advaesem yu.
Ol intenet sevis provaeda parental kontrol
Fulap intenet sevis provaed (ISPs) oli provaedem parental kontrol softwe – we i olsem softwe we yu pem, i save blokem ol konten we oli ofensiv. Ol kastoma blong samfala ISP oli gat akses long fasiliti ia we i fri mo nogat peimen.
Samfala mobael netwok oli provaedem parental kontrol softwe fri mo i nogat peimen. Wetem samfala, hem i setap hemwan wetem difol. Sapos yu no sua sapos hemia hem i wan kes, o yu gat eni narafala kwesten ol ol konsen, kontaktem mobael opereta blong yu blong yu stap long wan sef saed.
Ol narafala intenet – konekted divaes olsem ol gem konsol nomali oli fijarem parental kontrol softwe olsem wan paren, yu save setemap mo yusum.
Televisen janel we oli stap long diman sevis oli oferem paswod protekted parental lok blong givhan long yu blong yu protektem pikinini blong yu blong luk ol program we oli stret long eij grup blong hem.