Ol risk
Yu save risivim wan frodulen teks we i kleim se hem i kam long wan oganaesesen o wan individual we yu trastem, hemia ol kriminal oli giaman long hem mo hem i inkludum:
- Bank blong yu hem i infomem yu se i gat wan ‘problem wetem akaon blong yu’ olsem i gat wan aktviti we i no stret o i nogat fand.
• Wan ritela i oferem ‘ol vauja’ o ‘ol gift kad’.
• Wan teknoloji provaeda olsem Apple o Google, oli notifaem yu se yu ‘nid blong validetem wan akaon’.
• Wan pasel deliveri kampani oli notifaem yu se yu nid blong ‘confemem se yu wantem wan pasel blong oli deliverem’.
• Olgeta long taks otoroti oli infomem yu se yu ‘gat wan rifan’.
List ia hem i no bigwan tumas.
Wanem we ol smishing mesej oli gat we i komon hem i:
- Oli instraktem yu blong go long websaet o mekem wan fon kol i go long wan spesefik namba.
• Oli pleplei wetem yuman imosen blong yu mo ol nid, olsem trast, sefti, fia blong lusum mani, tekem wan samting blong nating, oli traem blong bagen o gat filing blong yu faenem lav/populariti/stetas.
• Oli generali stetem o traem mekem se i gat nid blong blong yu mekem wan ejen aksen blong kamaot long isu o tekem advantej long wan ofa.
Ol websaet we yu visitim long smishing mesej oltaem bae oli rikwestem ol konfidensel ditel o kosem intenet-konekted mobael divaes blong yu bae malwe i infektem. Ol fon kol we yu mekem long rispons oli save risal long ol konfidensel ditel blong yu oli rikwestem, o bae i gat wan premium reit namba we i save luk pem ol hae jaj we oli adem long ol fon bil blong yu.
Hao blong avoidem se yu kam wan viktim blong smishing
- Yu no klik long ol link insaed long ol teks mesej be sapos yu sua se oli jenuwen o tru mo oli gat ol gudfala intensen.
• Tekem taem blong yu konsiderem ol aksen blong yu bifo yu rispon long teks mesej.
• Askem yuwan sapos senda hem i tru o jenuwen, bae hem i kontaktem yu long teks ia.
• Luksave ol tret blong ol faenansol isu o ol ofa we oli gud tumas blong oli tru, we maet hem i no olsem we oli talem.
• Sapos yu gat daobt, kolem korek namba blong oganaesesen o individual we teks mesej i kleim se hem i blong hem, blong jekem se oli tru o no.
• Rimemba se nating we teks mesej ia i kam long wan pesen we yu trastem, ating namba blong olgeta maet oli hakem o stilim.
• Yu no respon long teks mesej ia. Sapos yu mekem bae oli save adem ol ditel blong yu long wan ‘saka’ list mo bae yu kontinu blong gat ol mesej we oli semak.
• Kontaktem mobael netwok provaeda blong yu blong tekamap wan eli asksen olsem blokem ol namba we oli stap givim ol spam – we i inkludum ol skam teks – long ol netwok blong olgeta.
Sapos yu bin lusum mani from wan smishing teks, o tru long wan frodulen aktiviti
Ripotem long polis.