English

Sef Kompiuta Disposel

Ol kompiuta we yu nomo nidim oli sud keaful taem oli tekemaot. Data long kompiuta blong yu bai oli save aksesm isi nomo sapos se yu salem, sakem go long skrap, givimaot or donetem, mo iven data we oli ‘dilitim’ finis, wan kriminel i save aksesem data blong yu. 

Antap long hemia, taem yu disposem o sakemaot kompiuta blong yu long wan responsibol wei bae i mekem se i gat smol envaeronmen impak mo yu sua se yu no brekem loa.

Sam long ol infomesen long peij ia hem i aplae to long ol mobael fon, ol tablet mo ol gem konsol. Blong kasem mo ditel, plis visitim ol releven peij long websaet ia.

Ol risk

  • Ol pesonal infomesen we yu storem long ol fael long kompiuta ol kriminol oli save aksesem mo yusum long ol kriminol aktiviti.
  • Eni paswod we yu storem long kompiuta blong yu i save givim akses long ol sekua websaet we oli holem ol pesonal mo faenansel infomesen.
  • Eni histori we yu storem long kompiuta blong yu oli save aksesem.
  • eni imel we yu storem long kompiuta blong yu oli save aksesem.
  • Disposem o sakemaot kompiuta blong yu be yu no tekem ol infomesen we maet bae yu nidim i save kosem disrapsen.

Sef kompiuta disposel

  • Kopi evri data we yu save se bae yu nidim long fiuja, long niufala PC o storej divaes, o yu mekem bakap long kload.
  • Yu eresem ol had disk blong mekem se ol pesonal infomesen blong yu yu delitim evriwan. Blong yu delitim ol fael hem i no naf blong pemementli eresem olgeta. Be, yu mas yusum wan dediketed fael delitsen program o sevis, o yu mas spolem had draev fisikali blong mekem se man i nomo save yusum. Be narafala samting, sapos had draev oli save sevisem mo i rilaebol yu save ri-haosem long wan ekstenal kes wetem paoa saplae mo USB koneksen mo yusum blong mekem bakap o eksjensem data blong yu.
  • Mekem sua se eni CD o ol DVD we oli kontenem data blong yu yu rimuvum long kompiuta.
  • Yu no fogetem ol CDs blong yu, ol DVD, ol memori kad, ol USB stik mo ol narafala USB konekted divaes, maet oli kontenem samfala sensitiv data blong yu we yu sud disposem wetem kea.

Sapos kompiuta ekwepmen i kam long en blong laef blong hem mo yu no tingting blong salem o givimaot, tekem i go long wan propa disposal fasiliti, we yu sua se hem i dismantel mo ol komponen oli risaekelem gud mo wetem kea.

Glosari

Wan Glosari blong ol tem we oli yusum long atikol ia:

USB

Univesal Serial Bus: taem ol kompiuta mo ol periferal olsem ol ekstenal storejkibod mo MP3 pleia oli fisikali konek.