- Setem samfala baontri blong pikinini blong yu bifo oli save gat ol onlaen divaes (mobael, tablet, laptop o ol gem konsol). Taem oli gat olgeta, bae i had moa blong jenisim wei we oli yusum o ol seting.
- Talem long pikinini blong yu se hem i impoten blong kipim ol fon mo ol narafala divaes we oli sekua mo oli haed gud taem oli no stap long haos, blong mekem se bae oli no lus o man i stilim.
- Diskasem ol wei we oli sef mo stret blong postem mo serem onlaen, wetem ol pikinini blong yu onlaen. Ol komen we oli raetem, ol foto mo ol video oli fomem pat blong ‘dijitel futprint’ mo bae evriwan we oli stap long intenet bae oli luk, nating we sapos oli delitim.
- Toktok long pikinini blong yu from ol konten we oli stap luk onlaen. Maet oli stap lukaotem ol infomesen long saed long ol bodi jenis o eksplorem ol rilensensip. oli nid blong luksave impotens blong no sendem ol pija blong ol nekid bodi blong olgeta, long ol narafala pipol.
- Rimemba se ol sevis olsem Fesbuk o Yutub oli gat minim eij limit blong 13 yia. Yu no askseptem presa, toktok long ol peren mo ol staf long skul blong mekem sua se i gat wan agrimen.
- Eskplenem long pikinini blong yu se taem yu go onlaen yu nomo save haed o gat proteksen, mekem se oli no sud mekem eni samting onlaen we oli no save mekem long fes-tu -fes.
- Konsida blong setemap ol perental kontrol/filta. Sapos yu no sua hao blong mekem olsem, askem advaes long wan kompiuta savvy fren o profesonal.
Hemia samfala kwesten yu save diskasem wetem ol pikinini blong yu, naoia we oli kam bigwan mo olda.
- Yu save evriwan long ‘fren list’ blong yu?
- Yu save hao blong yusum mo setemap praevesi mo ol sekuriti seting? Yu save soem long mi?
- Yu stap tekem ol mesej long ol strenja? Sapos olsem, hao nao yu handlem olgeta.
- Yu save wan man we bae i mitim wan narafala oflaen, we oli no toktok tumas long olgeta onlaen?
- I gat ol pipol long grup blong yu we oli stap nogud long olgeta wanwan, o long ol narafala, long onlaen o long ol fon. Sapos yes, wanem nao oli talem? I gat wan pesen we hem i toktok nogud long yu? Yu save talem long mi sapos oli bin mekem olsem?
- I gat wan long skul blong yu o wan narafala wan we yu save long hem, we oli tekem seksi foto mo sendem i go long ol narafala pipol, o risisivim o ol foto olsem.