Ol risk
- Koneksen long Wi-Fi blong yu i minim se smat TV blong yu oli save aksesem be yu no save, we i save lid i go long:
- Viuing blong yu, braosing mo ol narafala yusej histori we oli save luk mo yusum agensem yu from ol iligol pepos.
- Viuing blong yu, braosing mo ol narafala yusej histori we oli save luk mo yusum blong tagetem yu wetem ol advetaesing mesej.
- Bae yu kam taget blong instan advetaesing mesej we i beis stret long wanem yu stap mekem taem yu stap long fran blong smat TV.
- Smat TV webkam mo maekrofon blong yu oli (sapos oli fitim) oli haejakem blong viuim/lisen long yu mo ol famle blong yu, o blong faenemaot wanem posesen o ol samting we yu gat.
- Akses long ol infomesen, foto mo ol narafala data long storej divaes (olsem ol USB stik) we oli konek long smat TV blong yu.
- Smat TV blong yu hem i kam pat blong wan botnet, we oli stap yusum blong atakem ol koperet o gavman websaet.
Protektem praevasi blong yu
- Long wan simpol wei, sapos yu no wantem riskim ol yusej habit blong yu blong oli stap monitarem, diskonektem smat TV blong yu long intenet. Hemia i minim, se bae yu no save yusum ol onlaen fija blong hem.
- Sapos yu gat konsen from webkam mo/o maekrofon blong yu se bae oli haejakem, yu kaveremap olgeta long wan opek tep o wan stiky not. Fangksen ia hem i mekem se yu save kontrolem TV blong yu long ol muvmen blong yu oli disebel.