Weta yu stap yusum divaes blong yuwan – o long kompiuta we yu faenem long ol intenet kafe mo ol laibrari – I save gat fulap risk sapos yu no tekem kea.
Ol risk
- Ol pipol we oli stap gat akses long onlaen aktiviti blong yu sapos yu stap yusum wan waeales netwok we hem i no sekua o we i no loaful.
- ‘Solda sefing’ – ol pipol oli stap lukluk skrin blong yu.
- Taem kompiuta, smatfon o tablet blong yu i lus o oli stilim.
- Malwe, we hem i inkludum spaeware, long ol pablik komputa.
- Teft o stil long ol pesonal infomesen long, o taem oli gat akses blong braosem histori long ol pablik kompiuta.
Protektem yuwan
Kompiuta/smatfon/tablet blong yuwan
Bigfala risk we i link long divaes blong yu yuwan long wan pablik ples, hem i from WIFI ia ating hem i no sekua, mekem se ol anotoraes pipol oli save inteseptem eni samting we yu stap mekem onlaen. Long saed ia oli save stilim paswod blong yum o ridim ol praevet imel. Hemia i save hapen sapos koneksen bitwin divaes blong yum o WIFI oli no inkripim (yusum sekred kod), o sapos wan man i krietem wan hotspot we i giaman mo i mekem yu ting se hem i wan we hem i folem loa.
Wetem wan inkrip koneksen, bae yu mas enterem ‘ki’ we bae i luk olsem. 1A648C9FE2.
Narafala samting, yu save log in blong kasem intenet akses. Hemia bae i talem long operetta se yu stap onlaen long kafe o hotel blong olgeta. Yumi save talem se maet i nogat sekiuriti tru long inkrip.
Sef pablik WiFi
- Yu save yusum wan sekiua web peij be yu no sendem o risivim ol praevet infomesen taem yu stap yusum pablik WIFI.
- Oltaem, yusum data we yu pem, o sapos i gat, fri gavman-provaeded-WIFI.
- Ol bisnes pipol we oli wantem aksesem koporet netwok blong olgeta oli sud sekiurim, inkrip Virtual Praevet Netwok (VPN).
- Mekem sua se yu gat ifektiv mo apdeited antivaeres/antispaewe softwe mo faeawol we i stat run bifo yu yusum pablik WIFI.
- Wan narafala opsen, yu save yusum wan dongel blong yu (mobael broadband), we i save givim yu wan sekiua koneksen. Olgeta ia oli availebol taem yu pem long wan manis o yu pem taem yu stap go wetem.
- Yu no livim kompiuta blong yu, smatfon o tablet i stap olsem nomo.
- Yu mas lukluk gud se hu i stap raonem yu moa ting oli stap wajem wanem yu stap mekem taem yu go onlaen. Tingting blong yusum wan praevet filta we bae i blokem gud viu blong skrin blong yu long ol pipol we oli staon narasaed long yu. Wan eksampol hem i 3M prodak, ol ditel long ples ia.
Pablik kompiuta
- Avoidem faenansel transaksen we maet i rivilim ol valuebel paswod o pesonal infomesen olsem ol kredit kad namba.
- Sapos yu save mekem, yusum wan web-beised spaewe dideksen program blong skanem spaewe bifo yu yusum wan pablik kompiuta we oli
- Sapos yu bin stap yusum intenet, mekem sua se yu yusum braosa tul blong delitim ol fael mo ol kuki mo kliarem ol braosing histori blong yu.
- Yusum braosa intenet opsen menu blong protektem eni paswod we bae yu yusum. Sapos yu gat tu tingting, selektem braosa help optsen.
- Tingting blong jenisim eni paswod we yu bin yusum long wan pablik kompiuta taem yu kasem haos.
- Sapos yu yusum wan webmel akoan olsem gmel, Hotmel o Yahu! blong ridim imel blong yu, mekem sua se hem i stap yusum wan sekiua web link.
Be keaful long hu i stap wajem ova long solda blong yu