Long fes steij hem blong aedentifae wan kritikol bisnes fangsen blong yu (yusum wan proses we oli kolem ‘Bisnes Impak Analysis’) mo ol risk we oli link wetem operesen blong olgeta – mo divelopem ol apropriet risk ridaksen mesa blong mekem sua i gat kontinuiti long ol operesen long taem blong wan insiden we i save disraptem ol operesen. Ok ki konsideresen taem yumi divelopem wan bisnes kontinuiti plan i sud inkludum:
- Dinael blong akses
- Los blong ki staf
- Los blong ol ki saplaia
- Los blong ol ki sistem
Bisnes impak analisis bae i aedentifaem ‘rikaveri taem objektiv’ (bae i tekem wanem taem mo long wanem level blong wan bisnes proses i mas ristorem hem afta long wan disrapsen) blong avoidem ol konsekwens we oli no akseptebol.
Ol IT sistem oli mas disaenem blong oli risilien mo oli nid blong oli avelobol blong majem ol nid blong bisnes mo Rikavari Taem Objektiv. Mo sapos wan fangsen hem i rikwarem blong hem i stap 24 x 7, sistem ia we i sapotem fangsen ia i mas riflektem nid ia Eksampol, wan kampani websaet we ol kastoma oli save putum oda blong olgeta mo oli mas mekem long 24 x 7 mo nidim stret resiliens. Ol narafala sistem, oli save toleretem ol non-avelebiliti blong samfala haoa bifo hemia hem i stat blong afektem ligol saed o faenansol responsibility. Samfala sistem bae oli kritikol long samfala taem mo i no ol narafala (eksampol wan peirol sistem).
IT sistem (Seva mo telekom infrastrakja) blong ol bigfala oganaesesen oli tend blong oli stap long wan datasenta. Datasenta oli mekem kopi long hem from long taem blong wan bigfala mo rabis insiden long wan datasenta, ol sistem bae oli otomatikali swij (feilova) long wan sekon saet (disasta rikavari). Ol data senta oli loketed gud longwe long olgeta from tugeta oli save afekted long wan singel insiden. Feilova testing sud be pefomed long wan regula besis, blong ol kritikol sistem mo sapos i praktikol ful datasenta i mekem pratis ia.
Ol sistem oli nid blong mekem bakap blong kipim ol data long data los o korapsen. Frikwensi blong ol bakap oli stap long ‘rikavari point objektiv’ – oli difaenem olsem hem i wan period we ol data maet oli lus long wan IT sevis du long wan meja insiden. Rikavari point objektiv i givim sistem akitek wan taem limit blong wok long hem. Eksampol, sapos hem i set long fo haoa, long praktis ofsaet bakap oli mas mantenem oltaem – wan deili ofsaet bakap long tep hem i no inaf.
Blong ol smol oganaesesen taem oli no yusum ol datasenta sevis, ol bakap oli sud storem long ofsaet mo insaed long wan faeapruf sef. Ol retensen period blong ol bakap oli stap nomo long ol nid blong bisnes, o long samfala keis hem i folem lejislesen.
Ol jek oli nid blong pefomem we ol bakap oli ran korek mo sampel bakap oli mas restorem olgeta long wan regula besis blong mekem sua se data oli ridim mo aksesem.