Ol mein risk we oli asosiet wetem pikinini blong yu i stap frenem mo toktok wan strenja we ating hem i stap stokem olgeta, saebabulying ol strenja mo ol pipol we oli ting oli save, oli skamem olgeta from daonlod o linking i go long wan giaman konten, mo aedentifaem teft mo aedtentifaem teft mo rivilim ol praevet infomesen long ol profael mo ol post. Mo ating hem i wan samting yu neva save tingbaot, pikinini blong yu maet hem i stap bulying o talem ol samting we oli stret abaot wan narafala pesen, be hem i no wan taget.
Tijim pikinini blong yu blong hem i keaful blong frenem mo komuniket wetem ol pipol nomo we oli trastem. Talem long olgeta se blong rivilim ol pesonal ditel olsem diet we hem i bon, ol nem blong pet o tija oli save givimaot ol infomesen we oli save hamem olgeta. Tijim olgeta blong oli no klik long ol link o daonlod long ol saet we oli link long hem.
Mo tijim olgeta long ol sef yus blong ol paswod mo ol narafala login ditel. Hem i komon ples blong ol haka oli go insaed long ol peij blong ol pikinini, ol profael blong olgeta oli save jenisim blong fan o oli minim blong hamem olgeta o givim ol hamful komen we wan narafala i postem long nem blong olgeta. Hemia i save hapen tu sapos oli livim kompiuta blong olgeta o mobael divaes mo wokaot long hem be oli no logaot long saet.
Antap long hemia, asurem olgeta se hem i OlRAET blong kam long yu o wan narafala adol we oli trastem sapos oli filim se i gat tret mo oli no harem gud long wanem oli bin luk o mekem long sosol nekwoking saet.
Long olgeta infomesen antap, advaes ia tu i stap long ol ol instan mesej sevis.
Hemia samfala infomesen long Fesbuk mo Twita, tu long ol sosol netwoking saet.
Fesbuk
Fesbuk hem wan long ol popula sosol netwoking saet tedei mo long planet ia. Ol advaes we yumi listim anda long Sosol netwoking mo instan mesejing oli aplae tu mo oli inkludum ol potensel bulying, stoking, skaming, ol malises post, aedentiti teft mo haking. Diskasem ol kwestin ia wetem pkinini blong yu:
- Yu save ol fren blong yu?
- Hu bae i faenem wanem yu postem long Fesbuk?
- Yu gat kontrol long wanem yu serem on laen
- Profael blong yu i kamap o apia olsem wanem?
- Yu save hao blong yusum ‘Graf Sej’?
- Hao blong manejem ‘Haedem long taemlaen’ jenis?
- Hao blong yu yusum Fren list blong yu?
- Yu save hao blong diaktivetem akaon blong yu?
Twita
Twita hem i wan sosol netwok saet we hem i enebelem ol yusa blong hem sendem mo ridim ol sotfala mesej o ol ‘tweet’. I gat 500 milion rejistered yusa raonem wol tedei, hem i wan long ten saet we oli visitim oltaem, mo i stap kam popula wetem ol yangfala pipol. Ol mein samting blong wajaot long hem mo advaesem pikinini blong yu long hem hem i ol giaman mo nogud o bulying tweet, mo no klik long ol link we maet oli giaman.
Blong save moa infomesen long olsem wanem blong yusum ol sosol netwoking saet, instan mesej mo ol jatrum long wan sef wei, klik long ples ia.
.