Ol Risk
– From i nomo gat ol sekuriti apdeit we oli stap givimoat, PC raning Windos Seva 7 blong yu hem i isi blong kasem infeksen long malware, mo ol kriminal oli save gud long wiknes ia.
– Malware olsem ol kriminal oli yusum blong fulap rison, olsem:
– Blong stilim ol pesonal mo ol faenansal ditel blong yu blong oli komitim frod.
– Blong infektem kompiuta blong yu wetem ransomware.
– Blong komitim aedentiti teft blong aplae long ol bank akaon, ol paspot mo ol narafala samting long nem blong yu.
– Blong monitorem imel mo ol narafala komunikesen.
– Blong mekem ol PC blong yu i kam pat blong wan botnet, we oli stap yusum oltaem blong atakem ol koperet o ol gavman websaet.
– Maet yu no save sevesem o ripea Windos 7 PC blong yu.
I gat fulap moa namba blong ol divaes mo sofwe program bae oli no wok wetem Windos 7.
Ol Adisonal Risk blong ol Bisnes
– Blong adem moa long wanem we i stap antap, yu stap long risk blong gat anotoraesed entri long infomesen sistem blong yu, we i save lid i go blong oli save aksesem o stilim ol data blong yu, i nogat komplaeans wetem ol ‘insura’ mo/o ol kastoma standad mo brijim Data Proteksen Akt.
Ol independen hadwe mo ol sofwe sapot vendo, namba blong olgeta oli stap godaon, we oli stap provaedem sevis long Windo Seva 7 sistem.
Bifo yu mekem wan long ol samting ia, hemi impoten se yu mekem bakap long ol data long PC blong yu, mo mekem sua se oli save aksesem mo rikaverem long wan narafala masin.
Apdeitem kompiuta blong yu
– Fasfala resolusen hem i blong instolem Windos 10. Be, fulap olfala kompiuta bae oli no save ranem Windos 10 from i gat moa demand long saed blong ol hadwea rikwaemen. Maekrosof hem i advaesem se yu jekem sapos hem i save wok wetem ol narafala divaes long ples ia.
Maet bae hem i posibol blong apgredem i go long Windos 10 mo yu no nid blong pem be hemia i dipen long ol situesen. Sapos yu gat wan lejitimet vesen blong Windos 7 we i loded i stap mo Maekrosof i bin aktivetem, bae yu save apgredem mo i fri long Maekrosof Stoa.
Sapos PC blong yu i no save ranem niufala vesen blong Windos, bae yu nid blong pem wan niufala wan.
– Sapos yu pem wan niufala PC, yu nid blong transferem wanem we oli stap long olfala Windos 7 oli go akros.
– Sapos yu wantem kipim olfala PC blong yu mo yu no apgredem, i gat ol opsen olsem ‘dual buting’ wetem wan long plante vesen blong Linux opereting sistem. Hemia bae hem i mekem se yu save karemaot ol onlaen task long Linux mo ol oflaen task olsem wod prosesing, spredsit mo foto editing long Windos. Solusen ia i tekem sam taem mo efot blong instolem, be i gat ol bigfala namba blong ol websaet we oli stap givim advaes mo gaedens.
– Yu sud tingting blong jenis i go long wan niufala kompiuta we i ranem wan defren platfom, wan we oli stap jusum oltaem we hem i Apple Mak, o samfala long ol niufala jeneresen blong ol netbuk olsem olgeta we oli stap yusum Google’s Krome, o ol netbuk model blong Maekrosof.
– Hem i gud blong tingting weta yu stil nidim wan desktop o laptop PC taem plante long ol fangsen ia yu save yusum mo wan tablet i save karemaot olgeta, we i gat fulap renj blong ol spesifikesen blong jusum, hemia i gat ol defren model we oli stat long 50 paon go kasem olgeta oli sas moa i go long handred paon.R
Ol Bisnes & Entepraes
Ol bisnes mo ol entepraes we oli stap ranem Windos 7 hem i ejen blong olgeta oli adoptem wan strateji blong maegresen i go long wan narafala platfom, we bae i involvem bigfala investmen long ol niufala hadwe, infrastrakja mo ol aplikesen.
Ol smol Medium Saes Bisnes I gat fulap opsen blong ol smol mo ol medium bisnes sapos yu stap konsiderem blong muv i go long ol moden PC we oli gat ol niufala prodaktiviti mo kolaboresen tul. Yu sud toktok long wan Maekrosof Setifaed Patna blong andanstanem ol gudfala opsen we oli save mitim ol nid blong yu. Sapos karen PC blong yu i stap mitim sitem rikwaemen blong Windos 10, yu save pem Windos 10 long wan lokal ritela o long wan Maekrosof Setifaed Patna. Sapos PC blong yu i no mitim sistem rikwaemen, yu konsida blong pem wan niufala bisnes PC wetem Windos 10 Pro.
Ol Bigfala Bisnes & Entepraes Blong ol bigfala oganaesen mo ol entapraes, Maekrosof i oferem ol dip teknikol risos, ol tul, mo ol ekspet gaed blong mekem isi deploimen mo manejmen blong Windos, ofis mo ol Intenet Eksplora prodak mo ol teknoloji. Blong lanem moa long saed blong maegresen mo ol deploimen program, kontaktem Maekrosof sels representiv blong yu o Setifaed Maekrosof Patna.
Hao blong apgredem i go long Windos 10
Blong jekem sapos yu entaetel long wan fri apgred, go long Kontrol Panel blong yu long Stat Menu, selektem Sistem mo Sekuriti, afta Sistem. Skrol i go daon stret long windo: long ples ia bae hem i indiketem sapos laesens ia oli aktivetem. PC blong yu bae i nid blong stap long Windo 7 Sevis Pak 1, we sud olsem sapos PC blong yu hem i ap to deit. Long www.microsoft.com/en-gb/windows/windows-10-specifications yu save jekem sapos PC blong yu i mitim ol spesifikesen blong apgred i go long Windos 10.
Mekem bakap long ol fael blong yu i go long klaod o long wan lokal storej divaes, blong avoidem eni posibiliti blong lusum olgeta long apgred ia.
Go long Windos 10 Media Kriesen Tul long http://www.microsoft.com/en-gb/software-download/windows10 mo selektem ‘Daonlodem tul naoia’. Taem yu daonlod, openem fael mo ridim mo agri long ol tem mo ol kondisen. Selektem ‘Apgredem PC ia naoia’. Sapos i nogat inaf spes long had draev blong yu, yu nid blong mekem spes mo ranem instolesen long wan USB stik. Setap ia bae i gadem yu long hemia
Bae oli askem yu blong jusum sapos yu wantem kipim ol fael mo program blong yu. Sapos yu wantem statem fres wetem wan klin opereting sistem mo yu bin mekem bakap long ol fael blong yu, bae yu save muvum ol fael mo program we yu wantem blong kipim long kompiuta blong yu afta long apgred, o taem yu nidim olgeta. Sapos yu no wantem blong kipim ol fael mo program blong yu be tingse bae yu nidim olgeta, mekem sua se yu stil gat ol laesens ki.
Apgred ia bae i save tekem ples. hem ia i save tekemap sam long ol haoa, depen nomo long spid blong PC mo Intanet koneksen blong yu. kompiuta blong yu bai i ristatem bak hem wan samfala taem, be afta bai windo 10 welkam skrin bai i kamaut. Bai oli soem yu ol privasi jois, afta bai oli askem yu blong saen i ko insaed long mikrosof akaon blong yu, sapos yu gat wan. Faenem toktok ia “aktivasen” long stat meniu mo klikim blong i talem aot se windo 10 lisense blong yu i akivet e stap o. sapos no, bai yu nid blong bem o gat wan niufala lisense.
Sapos yu mas sakem olfala kompiuta blong yu
Rimemba, hem i impoten blong tekemaot olfala kompiuta blong yu long raet wai, from tufala long ol risen ia:
Data long kompiuta blong yu bai oli save aksesm esei nomo sapos se yu salem, sakem go long skrap, givimaot or donetem, mo iven data we oli ‘dilitim’ finis, wan man we i wan kriminel e save kasem data blong yu bakeken. Blong sakemaot kompiuta ia long raet wei, mekem sua se hem i envaromental impak smol nomo mo mekem sua se yu no brekem lao.
– plis luk divaes blong mifla long sef kompiuta disposel blong save se yu stap mekem long wan raet wei.