English

Protektem Websaet Blong Yu

Sapos bisnes blong yu i wok olsem wan ikomes o maketing websaet, hem i impoten blong protektem hem agensem ol atak we i kam long ol haka mo tu ol teknikol feilia. Ol samting we i save hapen sapos yu no mekem olsem hem i inkludum lus blong sevis blong yu, revenu we i go daon mo nem blong bisnes blong yu bae go nogud.

Ol risk

  • Stil blong infomesen blong ol kastoma, olsem ol adres mo peimen kad ditel.
  • Jenisim fes blong websaet – wetem ol pikja mo mesej we oli no stret, we oli spolem ol man, oli showemaot heit o teroris.
  • Ol atak blong dinael blong sevis tru long ol kriminol we oli stap traem blong spolem wok blong bisnes blong yu, blong garem mani.
  • Damej long bisnes nem blong yu.
  • Websaet i feil from infrastrakja o ol isiu wetem pawa saplae.
  • Wan dinael blong sevis (DoS) we oli minim blong mekem o wan distributed dinael blong sevis (DDoS) atak.

Protektem websaet blong yu

Sapos yu stap hostem websaet blong yu wan be yu no yusum wan narafala kampani aotsaed long kampani blong yu blo hostem websaet blong yu, mekem sua se hadwea mo sofwea hem i sekua:

  • Yusum strong paswod we i gat proteksen, long sistem ia. No livim eni paswod i set long defol valiu blong hem.
  • Mekem sua se seva hem i gat proteksen we i kam long wan strong faeawol mo intanet sekuriti sofwe.
  • Wokem jekem gud ol log fael blong kasem eni man we i wantem stap gat akses lo hem.
  • Yusum letes vesen blong eni iComes sofwe. Ol olfala vesen i save gat ol wiknes we ol haka i save yusum.
  • Dilitim ol websaet we oli nomo wok, mekem olsem taem yu askem host kampani i tekem olgeta i go daon mo dilitim evri fael.
  • No mas storem praivet infomesen blong ol kastoma mo ol ditel blong kredit kad long wan pablik iComes seva.
  • Protektem ol SSL ditel blong yu mo kipim olgeta i sikret.
  • Sapos yu tingse websaet blong yu i save kasem wan DoS o DDoS atak, lukaotem mo tokbaot wetem wan DDoS proteksen speselis we hem i gat stret save mo ol tul blong protektem bisnes blong yu.
  • Tingbaot blong yusum wan profesenol penetresen fem blong testem ol sekuriti we i stap long iComes seva blong yu.

Sapos yu stap yusum wan nara kampani olsem hosting provaeda blong yu:

  • Mekem wan reviu long sekuriti blong hem mo aveilebiliti polisi mo ol arenjmen.
  • Jekem se sevis level agrimen ia i stret long ol nid blong yu.
  • Bagegen, tingbaot blong yusum wan profesenol penetresen fem blong testem ol defens long seva blong host kampani blong yu.

Glosari

Wan Glosari blong ol tem we oli yusum long atikol ia:

SSL

Sekua Soket Leia, wan enkripsen sistem we i sekurem intenet komunikesen.