English

Ol Botnet

Wan botnet hem i wan netwok blong ol kompuita we ol saebakriminol oli bin planem blong spolem wetem malwe blong save wokem ol otometed wok long intanet, we oli no askem pemisen (o iven save) blong ona blong ol divaes ia. Toktok ia hem i wan abreviasen blong ‘robot netwok’. Taem wan bot i go insaed long wan kompiuta, kontrola blong hem i save tekem kontrol long divaes ia mo ol nara wan long botnet ia tru long ol komunikesen janel we i yusum ol standed-bes netwok protokol.

Ol saebakriminol oli yusum ol botnet blong givimaot ol spam imel mesej, spredem ol vaeres – wetem ol spaewe, mekem frod mo stilim aidentiti, atakem ol kompiuta mo seva, mo mekem ol atak blong DDoS (distributed dinael blong sevis).

Samtaem yu save luksave sapos wan kompiuta i bin infekted sapos hem i stap ron slo. Sapos i hapen olsem, mekem wan skan, o sapos yu gat daot, askem wan IT/data sekuriti speselis.

Hao nao ol kompiuta blong yu i save kam pat long wan bonet

Ol kompiuta oli save kam pat long wan botnet lo semak wei we oli kasem eni malwea:

  • Taem yu openem ol atajmen long ol imel we oli gat malwe long olgeta tru long rod blong wan Trojan hos prokram. Long kes ya, Trojan ia hem i save dilitim hem wan taem we kompiuta hem i infekted, o hem i save stap blong apdeit mo holemtaet ol modul blong malwe ia.
  • Taem yu visitim ol websaet we oli gat ol malwe. Hem i save hapen taem yu klikim ol link we oli save mekem ol problem, long ol imel o long ol pos long sosel netwoking, o taem yu visitim ol saet we oli infekted.
  • Pia-tu-pia (P2P) – blong eksplenem, oli spred long wan kompiuta go long wan narawan tru long wan netwok, ol storej divaes we oli infekted o tru long intanet.

Ol risk

  • Netwok blong yu hem i kasem spaewe we i save gat akses long ol data mo ol transaksen blong yu.
  • Oli save yusum ol kompiuta blong yu blong mekem ol bigfala transmisen blong ol spam imel.
  • Oli save yusum ol kompiuta blong yu blong pasem adwe go long ol nara kompiuta.
  • Oli save yusum ol kompiuta blong yu blong klik frod, we hem i visitim ol websaet we oli jusum, blong mekem ol giaman web trafik, mo hem ia bae yu no save nomo long hem.
  • Oli save yusum ol kompuita blong yu blong mekem ol atak blong DDoS (distributed dinael blong sevis), taem we:
  • Plante defren sistem i givimaot wan bigfala namba blong ol rikwes go long wan webseva blong oli mekem se webseva ia bae i ovalod afta bae i had blong hem i save sevisem ol stret mo trufala rikwes, o
  • Plante defren sistem oli wokem givim ol fon kol long viktim we i bae i mekem oli save les long ol fon kol ia.

Protektem okanasesen blong yu

  • Jusum wan intanet sekuriti sofwe we yu save trastem, we hem i stret long ol nid blong oganasesen blong yu, mekem sua se hem i mas apdeit mo swij on oltaem.
  • Aninstol long wan antivaeres program bifo yu instolem wan nara wan.
  • No openem eni fael we i stap long wan imel we wan man o adres we yu no save o gat daot long hem i sendem kam long yu.
  • No klikim ol link long ol imel o ol pos blong sosel netwoking we yu no save o gat daot long hem.
  • Tingbaot se ol imel we yu luk se ol fren o kolig blong yu i sendem Kam long yu – iven wetem ol adres we yu save trastem – i save mekem frod i tek ples from se ol divaes blong olgeta we oli sendem imel kam long yu oli kasem malwe, o ol kriminol i trikim yu wetem ol adres blong olgeta.
  • Tekem kea taem yu stap yusum ol USB divaes we save konek (olsem ol memori stik, ol ekstenol draev, ol MP3 pleia) from se fulap i save garem ol malwe insaed long olgeta.
  • Tekem kea taem yu stap yusum ol CD/DVD from se oli save gat ol vaeres tu long olgeta.
  • No openem eni fael we i kam long ol web-bes dijitol fael deliveri kampani olsem Hightail (bifo oli bin talem se YuSendIt) mo Dropbox) we wan man o adres we yu no save or gat daot long hem i bin aplodem.
  • Swij on long makro proteksen long ol Maekrosof Ofis aplikesen olsem Wod mo Eksel.
  • Pem sofwe nomo we yu trastem long ol kampani we yu trastem mo mekem sua se hem i mas apdeit oltaem.
  • Taem yu stap daonlodem wan fri sofwe, lukaot gud se bae hem i no mas mekem problem.

Glosari

Wan Glosari blong ol tem we oli yusum long atikol ia:

USB

Univesal Serial Bus: taem ol kompiuta mo ol periferal olsem ol ekstenal storejkibod mo MP3 pleia oli fisikali konek. 

Trojan

Hem i wan sofwe we i stap olsem wan valid aplikesen, we hem i stap konsilim wan aetem blong malweTem ia i kam long Trojan Hos long olfala stori blong Greek.

Netwok

Taem fulap namba blong ol kompiuta oli konek long olgetawanples wetem ol infrastrakja.

MP3 pleia

Wan devaes we i plei long ol MP3 myusik fael.

MP3

Teknoloji we oli yusum blong oli storem ol saon fael espeseli ol muysik o podkast