Ol risk
Ol kompiuta blong yu i save kasem infeksen blong ransomwe taem yu mo ol kolig blong yu yufala mekem mistek blong:
- Openem wan atajmen long wan imel we i save mekem ol damej.
- Klik long wan link long wan imel, instan mesej, sosel netwoking saet o wan nara websaet we i save mekem ol damej.
- Visitim wan nogud websaet- plante taem oli ol ponografik o gat ol rabis pija.
- Openem ol fael we oli kasem infeksen we oli kam long ol web-bes dijitol fael deliveri kampani (olsem eksampol HighTail (fastaem oli talem se YouSendIt, mo Dropbox).
- Ol korap makro long ol aplikesen dokumen (ol wod prosesing fael, ol spredshit, mo ol narawan).
- Konektem ol korap USB konek divaes (olsem ol memori stik, ol ekstenol had draev, ol MP3 pleia).
- Putum ol korap CD/DVD i insaed long ol kompiuta blong yu.
Stap long we long o avoidem ransomwe
- Yu no riplae long o klik long ol link we oli olsem ol spam imel we oli kam long ol kampani o wanwan man we yu no luksave olgeta.
- Visitim ol websaet nomo we yu save se yu save trastem olgeta.
- Oltaem instolem ol apdeit long ol sofwe mo ol app – wetem ol opereting sistem – long taem we oli talem blong yu mekem.
- Mekem sura se yu gat wan efektiv mo apdeitd antivaeres/antispawe sofwe, mo wan faeawol we i wokgud bifo you go onlaen.
- Yu mekem bakap long ol data blong yu oltaem, hemia i save inkludum wan USB-konekted divaes we yu strorem long narafala ples longwe long kompiuta blong yu. Hemia hem i from ransomwe i save afektem klaod storej blong yu.
Sapos yu gat ransomwe long kompiuta blong yu
- Blong luksave mo tekemaot ransomwe mo ol nara sofwe we oli save spolem ol divaes, we maet oli bin instolem long ol kompiuta, mekem wan ful sistem skan wetem wan stret, ap-tu-deit, sekuriti solusen.
- Sapos kompiuta blong yu i bin lok tru long ransomwe, askem profesenol advaes long wan sos we yu trastem.
- Be yu mas save se nating we oli pem wan ransom, ol kriminol we oli responsibol maet oli no anlokem ol fael ia.
Sapos yu bin pem ol fael we oli anlokem
- Ripotem insiden ia long polis