Tufala kategori blong ol fek nius
- Ol stori we oli no tru we oli minim blong pablisim olgeta blong influensem ol tingting mo desisons blong yu, visitim sam patikila websaet (we maet oli frodulen o gat ol fija long konten we yu no stap laekem blong luk), i mekem se yu bilivim wan samting we i fols o pem samfala prodak o sevis.
- Ol stori we oli haf tru, olsem oli ripotem wan tru ivent be oli misripotem sam long ol situesen o faks long ivent ia, olsem ol motiv mo ol kwot blong hem.Kaen fek nius olsem oli disaenem blong spredem ol bilif mo view blong wan individual o wan oganaesesen we oli mekem se hem i luk original blong influensem rida blong hem.
I gat tu, ol fek nius oli originet tru long eben stori o ol simpol mesej we oli pass long pesen to pesen. Mo from plante pipol oli no stap jekem ol sos blong onlaen konten, bifo oli serem, hem i save goaot kwiktaem.
Samfala pipol oli minim blong kleim se ol stret mo faktual mo akuret nius oli ol fek nius from oli no agri o oli no laekem nius ia.
Olsem wanem yu save talem wan ril nius long wan fek nius
- Askem yuwan se sapos hemia i rili hapen. Taem yu ridim mo harem nius, aprojem long wan rasonal wei, askem kwesten olsem from wanem oli raetem nius ia, oli wantem jenisim viupoen blong yu, oli salem wan samting long yu, oli daerektem yu bakegen blong go long wan narafala websaet o yu sek long hem.
- gat eniwan tu we i ripotem semak stori? Jekem sapos ol newsfeed mo ol websaet olsem BBC, ITN o Sky News oli kaveremap nius we yu jes luk.
Risejem sos ia. Faenemaot moa se huia pablisa, eksampol, hem i wan we evriwan oli save mo respektem, hem i wan rilaebol sos o pesonal blok blong wan individual. Lukse yu save faenem sam riviu we oli no bais long sos.
Jekem ol faks Ol otentik nius o ol tru nius oltaem bae i gat bakap blong ol ofisal data, ol savei, mo ol nius fastaem oli ripotem long ol semak wei. Plante taem hem i klia sapos oli news ia oli informal o oli no rilaebel o oli mekem jenis long olgeta.
- Jekem ol imej Ol foto mo ol pija we oli kam wetem ol fek o giaman nius oltaem oli mekem jenis long hem blong i folem stori, mo oltaem oli no mekem gud hemia Mo tu pefomem wan Google rives imej sej blong luk sapos imej ia oli stilim long wan narafala sos.
- Yusum instink o dip tingting blong yu Rememba se sapos samting i luk strenj, i no ril o no luk se bae i tru, bae wanwan taem i olsem.