Samfala komon eksampol blong klaod oli inkludum:
- Software-as-a-service (Sass) hem i klaod kompiuting mo ol sofwe we yu nomali stap instalem long ol ofis kompiuta naoia oli deliverem olgeta long intenet. Oli save hem tu olsem ‘host sofwe’ o ‘host aplikesen’.
- Infrastructure-as-a-service (IaaS) klaod kompiuting hem i ples we yu rentem wan speis long wan datasenta mo yusum ol seva blong olgeta insted blong yu pem ol niufala hadwe blong ranem bisnes blong yu. Wan komon esksampol blong IaaS hem i websaet hosting.
- Eni taep blong onlaen data storej o bakap oli yusum klaod blong mekem.
Nara samting hem i deliverem manejmen mo samtaem hem i sevem mani mo tu i mekem se i gat ol fleskibol praktis blong wok olsem long hom mo ol narafala ples blong wok.
Ol risk
Wanem kaen task o aplikesen we yu yusum kload from, hem i impoten blong protektem data blong yu mo eni kastoma data we i stap long ples ia. Analyst firm Gartner hem i kamap wetem seven kaen risk blong klaod kompiuting:
- Previlej yusa akses
Kipim ol sensitiv infomation wetem wan nambatri pati i save gat risk from yu stap go ova long IT infrastrakja mo sapot tim blong kampani blong yu.
- Regulatori Komplians
Ol kastoma oli risponsibol blong sekuriti mo data integriti blong olgeta.
- Data lokesen
Yu no save se wea nao ol infomesen oli kipim; maet i stap samples long wol.
- Data lokesen
Ol data blong yu oli storem wetem ol data blong ol narafala pipol mo wan feila long saed long inkripsen i save mekem se bae yu nomo save yusum data blong yu.
- Rekavari
Wanem i save hapen long wan disasta? Data ia oli mekem kopi blong hem?
- Investiget Sapot
Ol aktivit we oli no stret o oli iligal maet bae i no isi blong investigetem.
- Long-tem viabiliti
Wanem i save hapen sapos provaeda blong yu oli tekemaot o i bankrapt?
Yu save jus blong hostem ol aplikesen mo infrastrakja seletiveti long klaod o yu go from wan provaeda we hem i provaedem ful klaod oferning.
Jusum wan kload provaeda
Yu mekem resej blong yu long ol klaod provaed gud mo yusum ol eksperiens, mo ol kampani we oli gat ful risos mo ol man i trastem gud olgeta mo rekomendem olgeta. Oli save givhan long yu taem ol nid blong yu oli jenis mo oganaesesen blong yu i kamap, oli andastanem bisnes model blong yu mo ol diman blong yu. Mo oli save komuniket wetem yu long wan wei we yu andastanem. Provaeda hem i sud gat ISO 27001 akrideted we oli luksave long hem, mo hemia bae i givhan long yu se data blong yu i stap long enviromen we i mitim ol intenasonal beislaen infomesen sekuriti manajmen standad blong konfidensialiti, integriti mo avelibilti.
Protektem presens blong yu long klaod
Long narasaed yu blong save mekem ol waes jois blong klaod provaeda, yu sud obsevem tu ol wei ia blong mantenem data long saed blong seftii, integriti mo avelobeliti.
- I gat limit akses long ol klaod seva we oli nidm. Mantenem wan klia odit trel blong yu i gat akses long wanem data mo long wanem taem mo gat wan rikdo blong hu i gat aksem long ol inkripsen ki (sapos oli i yusum). Jenisim ol inkripsen ki sapos emploi i livim bisnes.
- Yu mekemsua se eni kastoma data we i stap long kload oli inkripem o putum long wan wei we bae ol anotoraesed yusa oli no save yusum. Fulap ol bigfala mo ol smolfala oganesen oli bin fesem ligal aksen from oli feilem blong lukoatem gud data taem oli hakem ol klaod sevis.
- Kipim developmen mo ol liv enviromen oli seperet blong no mekem ol dairek akses long developmen seva i go long liv data.
Ol Klaod hosting kontrak
Yu sud gat wan kload hosting kontrak we i klia gud long:
- Wanem stret bae provaeda blong yu bae i mekem blong yu (mo wanem stret yu save mekem yuwan).
- Wan skedul blong eni projek wok we bae oli mekem (olsem hoa long nao bae i tekem blong instolem wan niufala seva.
- Wan sevis level agrimen – bae i kwik mo long wanem level bae oli rispon long mo fiksim ol problem.
- Wan Klia fi strakja
- Givim penaliti taem wan wok i no finis long taem/no finisim wan sevis o brekem sekuriti.