English

Ovasering

Ovasering blong infomesen i afektem fulap long yumi bitim yumi save tingting long hem. Sapos yu bin serem wan foto blong ol fren o famli blong yu we yu luk se i nogat wan samting i rong lo hem, o yu no minim mo yu givimaot ol ditel blong banking mo paspot blong yu – yu save stap sowemaot infomesen we wan frodsta o wan man blong stilim aedentiti i save yusum blong mekem fasin we i no stret.

Hao blong no stap mekem ovasering

  • Wan long ol bes wei blong no ovasea long sosel media hem i blong yu mekem sua se yu putum akaon blong yu go long praevet. Evri samting we yu serem o pos onlaen i talem long ol man wan samting blong yu olsem ol fasin blong yu mo ples we yu stap long hem – tingting se sapos yu wantem serem wetem evri man.
  • Neva putum ol ditel we wan frodsta i save putum tugeta mo yusum blong spolem yu – eksampol, namba blong yia blong yu, befdei, adres, wokples, fes skul, famli nem blong mama blong yu, nem blong ol famli o nem blong ol animol we yu stap lukaotem, o ol nara paswod we ol man oli save kasem.
  • Taem yu stap givim raet blong ol man oli gat akses long sosel media data blong yu blong yu save tekpat long wan kompetisen, garem wan riwod o tekempat long wan sevei, yu maet stap givimaot konfidensel infomesen. Jekem ol tem & kondisen mo iven yu keaful long wanem yu stap agri blong ol nara man i save long yu o long akaon blong yu.
  • Taem yu stap postem mo serem ol foto blong taem yu stap longwei long holidei o from bisnes, i save givim signol long ol man we oli wantem stil long haus blong yu se haus blong yu i nogat wan man i stap long hem. Mo tu, tanem of lokesen sevis long ap seting long evri divaes blong yu.
  • Wanem we man i putum onlaen, i stap onlaen. Tingting tu taem bifo yu klikim long pos sapos yu no wantem mekem sem o spolem yu mo ol nara man. 70% blong ol employia oli yusum sosel media blong skrinim ol man we oli man we oli stap aplae from wok bifo oli haerem olgeta, mekem se askem ol fren blong yu oltaem sapos hem i STRET bifo yu stap postem foto blong olgeta mo ol pikinini blong olgeta.
  • Tingting tu taem long ol pos mo ol foto we yu stap serem. Ol draeving laesens, ol paspot, sam leta mo ol nara dokumen oli gat ol sikret infomesen we yu nidim blong pruvum ID blong yu.

* Ol namba ia i kam long sevei blong 2017 we CareerBuilders i bin mekem: https://www.careerbuilder.com/advice/social-media-survey-2017

Luk tu...