Ol risk
- Frod i hapen taem ol man i stap mekem ol peimen long ol web pej we i no sekua.
- Ol imel we i kam stret long yu long ol giaman websaet we oli setem ap blong garem ol peimen kad ditel blong yu.
Ol peimen we i sef
Ol onlaen peimen oli nomol pat blong plan blong yu wetem sevis provaeda blong yu olsem wan nara wei blong mekem peimen, we i defren long ol nara wei blong peimen tru long Daerek Debit o jek. Long fulap kes, taswe, bae man we blong yu pem hem bae save gud long yu, be yu mas tekem kea blong mekem sua se yu stap long tru saet blong provaeda.
- Tingbaot se blong pem ol samting yusum kredit kad i givim bigfala proteksen agensem frod bitim ol nara metod.
- Jek tu taem evri ditel blong peimen blong yu bifo yu stap konfemem. Bifo yu putum ol ditel blong pekmen kad blong yu long wan websaet, mekem sua se link ia i sekua long tu wei:
- I sud gat wan saen blong wan lok long brawsa windo frem, we i kamaot long skrin taem yu stap traem blong log in o rejista. Mekem sua se saen blong lok ia i no stap long pej ia hem wan … hem ia i save soemaot se hem i wan giaman saet.
- Web adres i sud stat wetem ‘https://’. S ia hem i minim ‘sekua’.
- Hem i soemaot nomo se link bitwin yu mo ona blong websaet hem i sekua, be i no minim se saet ia hem i save tru. Yu mas mekem olsem taem yu stap jekem gud adres from eni speling we i rong, ol adisenol toktok mo karekta mo ol nara samting we i no nomol.
- Taem we yu stap mekem wan peimen go long wan man yusum wan sekua peimen saet olsem PayPal – neva transferem mani blong yu i go stret long bank akaon blong olgeta.
- Jekem praevesi polisi blong websaet ia.
- Oltaem log aot long ol saet we yu bin log in long olgeta o yu bin putum ol rejista ditel blong yu long hem. Taem yu stap klosem brawsa blong yu nomo i no naf blong mekem sua se i gat praevesi.
- Kipim ol risit – hem ia we i elektronik o olgeta we i no elektronik.
- Jekem ol kredit kad mo ol bank steitmen wetem kea afta we yu mekem peimen blong mekem sua se korek amaon i debit, mo tu nogat frod i tekem ples from transaksen ia.
- Mekem sua se yu gat wan efektiv mo apdeitd antivaeres/antispawe sofwe, mo wan faeawol we i wok gud bifo yu go onlaen.