Ol inkripsen (kod lanwis) oli save brekem, hem i min se, pesen we hem bin inteseptem bae i save, brekem inkripsen ia, ful sistem ia hem i rilae long tingting se kompiuta paoa we oli nidim blong brekem inkripsen ia bae i save kost moa bitim ol benefit we bae yu genem long wan longfala taem period.
Kampani VPNs
End-to-end inkripsen ia bae i wan gudfala samting, be hem dipen long wea ples ol end ia oli stap. Oltaem, oli yusum VPNs blong fasilitetem ol rimot woking; hemia nao we tufala end oli stap long kampani netwok mo long divaes we oli yusum rimoteli blong wan emploi. Taep blong VPN oli bin yusum mo i gat sakses long fulap yia. Mo hem i krietem wan inkrip ‘tanel’ we i stap bitwen emploi mo koporet netwok. From hemia, hem i mekem wan kompiuta blong emploia hem i pat long netwok (vetuali). Hemia hem representem sekua koneksen bitwin ol trasted ona blong kompiuta long semak oganaesesen.
Konsuma VPNs
Olsem long eksampol antap, wan sekua koneksen hem i bitwin ol trasted kompiuta, ol end blong taep blong VPN hem i kompiuta blong kastoma i stap long wan end mo ol seva blong VPN oli provaeda long narafala end. From rison ia, taem ol provaeda ia oli advetaesem ‘sekua end-to-end komunikesen’, hemia hem i go kasem premises blong olgeta. Eni insekua komunikesen we yu sendem VPN hem i protektem long divaes blong yu go kasem ol kompiuta blong VPN provaeda, be i kambak long insekua stet blong komplitim jeni long ples ia. Wanem i minim long ples ia, taem yu yusum fom blong VPN, yu putum bigfala trast long honesti blong VPN provaeda.
Long kes ia, VPN blong yu i save luk evri samting we yu mekem, evri websaet yu visitim mo konten blong eni komunikesen yu sendem. Long keis blong sekua komunikesen – eksampol wan websaet wetem “s” long end blong HTTP adres mo wan grin padlok – bae oli no save luk konten blong eni data we yu sendem. Sapos yu mas log in long onlaen banking, eksampol, bae oli no luk wan ditel olsem ol yusanem, ol paswod o ol ditel blong akaon blong yu. Be bae oli save luk se yu bank wetem mo oli save obtenem wan list blong evri singel websaet we yu visitim, ol kompiuta we yu konek wetem mo hu nao yu yusum blong ol imel sevis blong yu taem yu stap yusum ol sevis blong olgeta.
From rison ia, taem yu yusum wan konsuma VPN blong taep ia, yu stap trastem provaeda blong no yusum data long wan wei we yu luk save se hem i no akseptebol. Fulap long ol sevis ia oli kleim se oli no kipim rikod blong wanem yu mekem onlaen, be i nogat wan wei blong pruvum. Long ples ia maet oli gat wan rikod blong ol websaet we yumi visitim mo ating oli no save luk konten blong ol insekua komunikesen, yu stap trastem olgeta blong oli no kipik ol infomesen mo oli no yusum blong ol pepos olsem luk ol infomesen mo tagetem advetaesing, long bihaf blong olgeta mo ol narafala.
Plante long ol advetaesing blong ol konsuma VPNs oli kleim se oli alaom yu blong yu fulum ol onlaen sevis blong ting se yu stap long wan defren lokesen, we bae hem i enebelem yu blong aksesem ol sevis we oli no avelebol long eria blong yu. I gat moa sevis olsem Netflix mo BBC IPlayer oli luksave hemia mo oli rekognaesem se wan yusa i stap traem haedem tru lokesen blong hem, oli stap dinaem akses blong ol sevis long olgeta. Samfala provaeda oli talem se taem yu yusum sistem blong olgeta bae oli haedem sam ol aktiviti we oli no klia long ISP blong yu, wan samting we oli no kondemem long Get Safe Online.
Wan ril benefit blong wan konsuma VPN hem i taem yu stap yusum ol WI-FI hotspot, olsem ol hotspot long ol kafe mo hotel rum, bae i save hapen se komunikesen blong yu oli save lisen long hem sapos Wi-FI hem i no sekua. Long keis ia, wan VPN bae oli no save stopem intesepsen be, olsem antap, hem i save mekem komunikesen ia bae oli no save ridim. Long keis ia, yu sud rimemba se yu no tekemaot risk, yu muvum hem i long lokol Wi-FI i go long ol kompiuta blong VPN provaeda.
Samari
- Long keis blong wan VPN we oganaesesen blong yu i provaedem blong aksesem netwok, end-to-end komunikesen i stap bitwin ol kompiuta we yu trastem mo, sapos oli konfigurem gud, oli sud sef.
- Bifo yu yusum wan konsuma VPNs, yu sud konsida
- Hamas nao yu trastem provaeda ia.
- Wanem kambak yu gat wetem wan kampani we maet hem i no beis long UK.
- Weta yu rili nid blong yusum open Wi-Fi, be i no 3G, 4G o 5G data we hem i moa sekua.
- Weta wan konsuma VPN i valiu blong hem i stret long wan sabskipsen fi olsem yu, o yu muvum risk.