Ol risk
Vaeres mo spaewe oli save atakem smatfon o tablet blong yu tru long ol wei ia:
- Daonlodem ol samting long ol websaet we ating oli minim blong oli infektem long wan o moa vaeres o long aksiden.
- Daonlodem ol app we oli infekted. Hemia hem i save inkludum ol app we oli daonlodem long ol divaes o long ofisal stoa blong opereting sistem, mo ol fek stoa we oli kamap bigwan we oli setemap nomo blong distributem malwe.
- Konektem divaes blong yu long wan kompiuta, eksampol blong instolem ol apdeit, syn mo lodem myusik.
Vaeres mo spaewe oli save mekem ol bigfala problem we i inkludum:
- Aedentifae teft long app we oli stap wok long bakgraon blong stilim ol pesonal infomesen we oli storem long fon.
- Ol frod long app we oli stap wok long bakgraon blong stilim ol pesonal infomesen we oli storem long fon.
- Ol premium ret kol mo ol ol teks mesej we oli sendemaot long fon blong yu be yu no save long olgeta.
- Delisen mo korapsen long data.
- Wan divaes we i slo o man i nomo save yusum.
- Bateri laef i kamdaon.
Divaes blong yu maet i stap karem wan vaeres – we oli save pasem i go long ol narafala divaes (olsem ol kompiuta) hemia long imel.
Protektem mobael divaes blong yu
Ol Apple divaes ol gat ol gudfala sefgad we oli bildim i go insaed blong faet agensem malwe, be tede oli kam moa popula taget blong ol frodsta, hem i minim se yu sud intolem intenet sekuriti long eni kaen divaes blong yu.
Blong ol pesonal mo hom ofis yus, i gat wan namba blong ol jois we yu mas tekem blong jusum wij intanet sekuriti sofwe we yu save pem. Wijwan yu jusum, mekem sua se hem i wan brand we yu trastem mo i kam long wan saplaea we oli save gud long hem, mo yu kasem gud long wanem we yu save pem.
Hem i impoten blong daonlodem ol apdeit blong ol sekuriti app kwiktaem taem yu save se yu mas gad long ol niufala malwe.
- Jekem ol sekuriti seting long divaes blong yu blong kasem ful proteksen.
- Jekem websaet blong sevis provaeda blong yu oltaem blong ol apdeit blong ol model blong smatfon o tablet we yu gat.
- Bifo yu konektem divaes blong yu i go long wan kompiuta, mekem sua se kompiuta blong yu i gat ol letest antivaeres/antispaewe mo faeawol we oli instolem mo oli ran gud.
- Taem yu setemap mobael banking, mekem sua se eni app we yu daonlodem hem i olgeta we bank hem i pablisim.
- Yu mas lukaotgud long ol fek stoa taem yu stap daonlodem ol app – yu mekem nomo long ol sos we yu luksave.