Wetem hemia, ol QR kod oli konvinien, be taem yu yusum olgeta i save eksposem yu long plante risk… hemia from wan QR kod yumi no save ridim wetem yuman ai blong yumi. Olsem, yu nogat wan aidia long wanem websaet yu stap visitim from kod i no klia mo yu no save ridim.
Ol risk
From QR kod oli no save ridim wetem ai blong olgeta, hem i save inkrisim janis se yu save go long wan frodulen websaet. Even sapos QR kod oli printim long posta blong wan advertaisa long strit o magasin advetismen, i save hapen se wan narafala kod oli putum insted long otentik wan we hemia hem i wok blong ol frodsta.
Oli save daerektem yu blong visitim wan frodulen websaet wea yu save givimaot ol pesenol o faenansol infomesen, ating bae yu ekspos long ol material we oli no stret blong luk o pikimap wan vaeres.
Yusum QR code long wan sef wei
- Mekem sua se eni QR kod rida app we yu daonlodem i mas kam long wan sos we yu trastem.
- Sapos i posiblol, mo espelesi long ol pablik ples, jekem ol visual indikesen se QR Kod oli no bin spolem wetem (eksampol wetem wan ovastika).
- Yu neva enterem pesenol o faenansel infomesen blong yu long wan websaet we QR kod i bin daerektem yu long hem.
- Sapos yu daonlodem sekuriti softwe blong smatfon blong yu o tablet, jusum wan we i gat wan bilt-in-QR kod skana.
I gat samfala komon QR kod we oli avelebol mo oli inkludum abiliti blong jekem se destinesen websaet hem i tru mo hem i sef.