Be i gat samfala setbak….olsem yu save lokem yuwan aotsaed long haos blong yu from ol elektronik lok long taem blong wan paoa felia. I moa komon se ol risk ia oli konekted long ol divaes we oli transmitim ol data. Hemia i save eksit from yusa i gat smol nolej blong sekurem olgeta, be samtaem ol pua sekuriti protocol mo ol prosija hem i long saed long ol manufaktura. Taem oli yusum wan semak difolt we i setemap paswod long evri divaes we oli sipim hem i wan praem eksampol.
Ol risk
- Ol data we oli transmitim long smat divaes blong yu oli save inteseptem we i no folem loa, mo risal blong hem maet ol sekuriti sistem blong yu oli disebelem o hiting temostat blong yu oli setem long wan maksimam, go kasem oli save loketem fisikol lokesen blong pikinini blong yu we tablet blong olgeta i rivilim o evri muv blong yu oli spae long yu long kamera blong yu.
- Ol data we oli kolektem long ol divaes manufaktura – we oli sud yusum long prodak sapot mo R&D pepos – oli save eksploitem blong ovafloem yu wetem ol maketing kampein long ol manufaktura mo/o ol nambatri pati.
- Ol smat prodak manufaktura mo ol app divelopa oli save obtenem ol data blong abaot ol pesonal preferens mo ol habit blong yu we yu wantem se oli praevet.
Mekem sua se hom blong yu we i konekted hem i sef mo sekua
- Mekem sua se Wi-Fi blong yu hem i sekua: Lukluk advaes peij long ol Waeless Netwok& Hotspot blong mifala.
- Blong ol divaes we yu nidim wan paswod (mo tu Wi-Fi paswod blong yu) blong konek, riplesem ol faktri-set paswod wetem ol sekua wan we yu krietem yuwan. Read our advice page on passwords.
- Neva yusum semak paswod long moa long wan divaes we i konek long intenet, mo no serem paswod wetem olgeta we yu yusum long ol narafala akaon.
- Mekem sua se ol kompiuta mo mobael divaes oli fitim olgeta wetem ol apdeitem intenet sekuriti sofwe / app mo tu ol akses long ol divaes ia oli protektem wetem wan PIN o paskod.
- Jekem ol app we oli asosiet wetem konekted divaes blong yu mo instolem ol apdeit kwik taem. Mo tu oltaem yu jekem ol websaet blong ol manufaktura blong ol apdeit, from oli save slo blong pusumaot olgeta long ol app.
- Sapos yu save mekem, disebelem ol rimot-manejmen akses mo narafala paoa netwok tul sapos oli no yusum.
- Konsidarem se taem yu pem ol bran we ol man oli save mo oli rispektem, hem i minim se moa kea oli bin tekem blong sekurem ol prodak – mo ol famle mo sekuriti blong famle.
Sapos yu kam wan viktim blong frod tru long ol devaes blong yu we oli konekted blong eni narafala rison, ripotem kwiktaem long polis.