Ol grup blong malwe
Vaeres
Wan vaeres hem i wan fael we oli raetem wetem tingting blong hem i mekem wan samting we bae i spolem man o blong mekem wan kriminal akt. Man we i stap yusum kompiuta i save luksave sam vares, be fulap oli ron bihaen long bakgraon, we man we i stap yusum kompiuta bae i no save luksave. I gat fulap kaen grup blong ol vaeres. Wan wom, blong eksampol, hem i save yusum ap ful wan ol sekuriti wiknes blong spredem hem wan otomatikali go long ol nara kompiuta tru long ol netwok. Wan trojan hos (o simpol hem i ‘Trojan’) hem i wan prokram we i soem hem se hem i no save spolem wan samting be hem i stap haedem ol nogud wok belong hem we i save mekem ol damej. I gat janis, blong wan vaeres i save kam long divaes blong yu long fom blong wan Trojan, wetem pawa blong mekem wan kopi blong hem wan bifo hem i muv go long wan nara divaes (wan wom) mo tu hem i save kam olsem wan pis blong spaewe.
Spaewe
Spaewe hem i wan kaen blong vaeres we oli mekem stret blong stilim infomesen blong aktiviti blong yu long kompiuta o nara divaes blong yu. Ol spaewe raeta i gat wan namba blong ol defren tingting, be mein wan hem i winim mani tru long frod o stilim aedentiti blong man. Spaewe i save mekem wan namba blong ol wok we oli brekem loa, olsem blong mekem ol advetaesmen oli pop kamaot blong stilim ol bank login ditel blong yu tru long wei blong tekem ol skrin sot blong ol saet we yu stap visitim, mo iven oli kipim wan log blong ol ki we yu stap taepem (yumi talem man we i mekem olsem se wan kiloga). Spaewe tu i save mekem ol kopi blong hem wan. Wan fom blong spaewe we fulap i stap yusum nao ia hem i wan Rimot Akses Trojan (RAT), we taem wan frodsta o wan nara saebakriminol we i stap long wan rimot ples i save tekem kontrol long ol divaes blong yu we i infekted mo yusum olsem we hem i gat raet blong yusum. Hem ia i save inkludum blong aktivetem ol webkam mo stap spae wetem ai blong olgeta tru long ol webkam long ol aksen blong ol man we oli stap yusum ol divaes.
Ransomwe
Ransomwe hem i wan fom blong malwe we i stap trikim ol man, we hem i letem ol saebakriminol we oli stap long wan rimot ples blong lokem daon wan kompiuta or wan nara divaes, afta askem mani blong bae hem oli save garemaot lok bagegen. Ol ditel blong ransomwe i stap long websaet ia here.
Ol nara kaen blong malwe i includum ol rutkit, dishones adwe mo skewe.
Hao ol divaes i save infekted
Malwe i save atakem ol kompiuta blong yu o ol nara divaes tru long ol wei ia:
- Taem yu openem ol imel atajemen we oli gat infeksen, olsem ol .exe fael.
- Openem ol fael we oli kasem infeksen we oli kam long ol web-bes dijitol fael deliveri kampani (olsem eksampol HighTail (fastaem oli talem se YouSendIt), Dropbox).
- Visitim ol websaet we oli stap giaman long ol man, we yu maet go long hem tru long ol frodolen link long ol imel o ol sosel media pos.
- Tru long intanet, taem we man we i stap yusum divaes i no luk save (ol wom oli wan eksampol blong hem ia).
- Ol makro long ol aplikesen dokumen (ol wod prosesing fael, ol spredshit, mo ol narawan).