Fulap long ol sabjek long websaet ia oli semak long ol Mak mo yu sud ridim sapos yu wantem kipim Mak blong yu i sef.
Atikol ia i kaveremap Mak OS X be i no ol Mak opereting sistem blong fastaem. Blong kasem bigfala sekuriti, mifala advaesem yu blong apgreid i go long leites vesen.
Ol risk
- Ol vaeres, spaewe mo ol nara malwe.
- Ol atak we oli kam long ol haka, we oli stap traem blong garem ol pesenol o faenansel infomesen.
- Fisikol lus blong ol pat blong ol divaes we ol man oli save luk mo tajem, from stil, ol man oli no lukaotem gud, faea/wota i bigwan mo kaveremap ples mo ol narafala naturol disasta.
Protektem Mak blong yu
Kipim sofwe blong yu hem i ap tu deit
Yusum ol sekuriti apdeit mo ol sistem sofwe apgreid long stret taem oli kamaot blong ol man oli save yusum. Mo tingbaot se wan Mak i save karem wan vaeres mo pasem i go long ol nara kompiuta iven sapos ol vaeres oli no afektem hem wan.
- Jekem from ol apdeit long wei we yu go long System Preferences aplikesen mo selektem Software Update mo klikim Check Now.
- Mekem sua se Check for Updates i gat tik evridei mo oli selektem long drop-daon meniu. Hem i mekem se kompiuta blong yu i otomatik blong jekem from ol niufala apdeit evridei. Yu nid blong mekem wan Administreita paswod blong mekem se fija ia i save wok.
- Blong jekem yusum hand blong yu from eni apdeit, go long Apple menu (smol saen blong apol ia i stap long top lef kona) mo selektem Software Update. Yu shud mekem jek ia evritaem.
- Bae yu jekem tu from ol apdeit long sofwe we yu pem long Apol Stoa.
- Jekem websaet blong ol manufakjara blong sofwe blong ol nara grup oltaem from ol aplikesen apdeit. Yu save daonlodem ol maekrosof apdeit long www.microsoft.com/mac/downloads.
Swijim on faeawol blong yu
- Openem System Preferences aplikesen mo klikim Security; klikim Firewall mo klikim Start.
Intanet sekuriti sofwe
- Mekem sua se yu gat wan strong mo apdeited intanet sekuriti we i lod mo stap ron. Plante saplaea blong intanet sekuriti sofwe oli salem ol pakej mo ol wanwan solusen we oli mekem stret blong ol Mak. I gat tu fulap fri intanet sekuriti prodak we oli stap blong ol man oli save yusum.
Ol bakap
Infomesen ia we i stap long Mak blong yu i no save gat jenis blong hem sapos i lus o i damej. Oltaem bakemap data blong yu blong mekem sua se yu gat bitim wan kopi.
iKlaud hem i sekua onlaen bakap mo storej solusen blong Apol. Hem i storem ol musik, ol foto, ol vidio mo ol dokumen, mo mekem se ol fael oli stap we evri Apol divaes blong oli save yusum – ol Mak, ol aefon mo ol aepad. iKlaud hem i gud blong fulap man we oli no nidim ol bigfala data storej volium, we i stap givim wan fri storej limit blong 5GB. Oli jajem adisenol storej long wan yia mo i dipen long volium blong data we i storem. Ol iKlaud bakap oli stap jenis slo, mo taem fes bakap i save tekem taem, ol nara bakap we oli kam afta, bae oli kwik moa, mo bae aeKlaud i aplodem long otomatik, data nomo we hem i bin jenis stat long las bakap we i jes hapen.
From se i gat kos blong bakemap data i go long aeKlaud – o sapos yu gat wan slo o nogat intanet koneksen – yu save wantem blong bakemap i go long wan lokol, ekstenol had draev we Apple i mekem mo wan nara namba blong ol nara saplaea. Ol Mak oli gat wan pat long olgeta we hem i wan bil-in pat we oli talem se Taem Masin, we hem i mekem ol bakap blong ol fael we oli bin jenis long las bakap, mo hem i save putumbak ol fael ia bagegen long wan nara deit. Hem i letem yu tu blong putumbak ful sistem (pawa long Mak mo holem daon Koman ia (⌘) mo ol R ki taem we grei skrin i kamaot o statem divaes long OS X Instol DVD, ol fulap fael, o wan singol fael.
Sam moa advaes mo ol tip
- Yusum ol strong paswod mo apdeitem olgeta oltaem. Long OSX 10.9 (Maveriks), Kijein bil-in paswod/login maneja i save faenemaot taem yu stap fulmap wan login o rejistresen fom long Safari. Bae hem i givim yu wan strong paswod we yu save yusum mo storem long kijein blong yu. Wan namba blong ol websaet oli eksplenem proses ia gud moa, eksampol: www.imore.com/how-generate-password-icloud-keychain-and-os-x-mavericks
- Mak OS X i mekem tru long defol se rut yusa i nomo wok. Man i shud neva mekem blong i wok.
- Blong adisenol sekuriti, go long System Preferences aplikesen, selektem Security mo tikim ij wan long ol opsen long daon mo long medel blong skrin: Nidim paswod blong wekemap kompiuta ia long slip o skrin seiva; Mekem se otomatik login i nomo wok; Nidim paswod blong karemaot lok long ij sekua sistem preferens; Log aot afta 10 minit taem i nogat wan i stap wok long kompiuta; mo Yusum sekua vejuel memori. Fulap long ol opsen ia oli wok blong kontrolem akses long kompiuta long ol yusa we oli nogat raet blong yusum.
- Tingting gud blong jensim ol fael blong yu sapos we ol man oli stilim kompiuta blong yu, speseli sapos yu stap yusum wan MakBuk, wan MakBuk Pro o wan MakBuk Eia. Bae i blokem blong ol fael blong yu bae no save rid. Blong mekem olsem, go long System Preferences aplikesen, selektem Security mo Turn on FileVault. Be lukaot se taem yu stap mekem FileVault i on, bae i afektem hao Taem Mashin i stap bakemap yusa data blong yu.
- Yusum Sekua Emti Tras long Faenda meniu blong katem ol fael we oli bin dilit.
- Sapos yu yusum vejualaesesen sofwe olsem Boot Camp, Parallels o VirtualBox blong mekem wan Windos sistem i ron, yu shud mekem sua se i sekua olsem we i wan nomol PC.
- Sapos ol defren yusa oli sherem Mak blong yu, setem ap ol yusa akaon mo ol paswod blong mekem se ol praevet fael ia oli stap separet mo pawa blong rikonfiga ol sekuriti seting on kompiuta i limit. Blong mekem olsem, go long System Preferences aplikesen mo selektem Accounts. Folem ol instraksen blong adem ol niufala yusa mo setem ap ol parentol kontrol mo ol nara restriksen.
- Mekem wan singol ‘mein’ administresen akaon. Yu no shud nid blong log in go long akaon ia evri taem, be bae yu nid blong tingbaot akaon nem ia mo paswod. Ol yusa we oli stap go insaed long ol akaon evritaem oli shud mekem ‘Allow user to administer this computer’ opsen i no gat tik long hem.
- Mekem wan ‘Hot Kona’ blong statem skrin seva blong yu (long tingting se yu bin setem skrin seva opsen blong oltaem rikwestem wan paswod). Statem System Preferences, mo selektem seksen blong ‘Desktop & Screen Saver’. Long daon mo long raet saed hem i baten blong ‘Hot Corners’. Selektem kona we yu wantem jusum mo selektem ‘Start Screen Saver’ we i stap long drop-daon meniu blong yu.
- Naoia yu save statem skrin seva nomo taem yu rolem maus ia i go long stret kona blong skrin.