Fulap long ol risk we oli konek wetem sosel netwoking /sosel media oli kamaot taem yu stap gat wan bigfala grup blong ol man we yu no save long olgeta be yu stap konek wetem olgeta, wetem wan forom we i nogat kontrol long hem.
Ol risk
- Taem ol konfidensel infomesen blong yu i show long sosel media tru long yu wan, ol kolig, ol kastoma, ol fren mo ol kontak blong yu.
- Taem yu minim blong showemaot ol konfidensel infomesen blong yu from ol defren tingting olsem faenansel gein, frod, stil blong aedentiti o nem blong bisnes i gat impak long hem.
- Taem yu wan viktim blong situesen we nara man i wantem spolem yu, oli stap wokem folem yu, minim blong mekem yu kros onlaen mo ol nara fom blong onlaen abius.
- Taem yu kam wan man blong spolem nara man, wokem folem nara man, minim blong mekem nara man i kros onlaen mo ol nara fom blong onlaen abius.
- Akses long eij-inapropriet konten tru long ol link long ol pos mo ol twit.
- Ol fishing imel oli kam long ol sosel netwoking saet, be aktuali oli enkarejem yu blong visitim ol nogud websaet.
- Ol kolik, kastoma, saplaea, fren mo ol nara pos blong ol man o twit i enkarejem yu blong link wetem ol nogud websaet.
- Ol frodsta, ol stilman blong aedentiti o ol haktivis we oli stap hak i go insaed o haejakem akaon o pej blong yu.
- Ol malwe we oli gat wetem olgeta ol mesej atajmen o ol fotograf.
Sef, sensibol mo risponsibol sosel netwoking /sosel media
Oganasesen blong yu mo ol wokman i save stap longwe long ol risk ia mo yusum sosel netwoking / sosel media long wan sef wei taem oli folem ol stret gaidlaen ya. Tingbaot se taem yu stap folem ol top praktis gaedlaen blong sosel netwoking / sosel media long wokples i semak long olgeta long praivet laef blong yu.
- Putum wan limit long akses long ol kampani sosel media akaon blong yu long olgeta nomo we oli nidim mo oli bin trein blong yusum olgeta.
- Setem ap mo holemtaet wan odit treil long hu we i gat akses lo wanem kaen sosel media akaon, mo kwiktaem stopem akses long ol wokman o ol kontrakta we oli livim bisnes.
- Sapos yu stap tingting blong yusum ol ap blong joinem ol defren akaon blong Twita, Fesbuk, LinkedIn mo ol LinkedIn akaon, yusum olgeta nomo we oli stret mo hem ia we yu nidim, mo putum wan limit long akses from se fulap man i stap tagetem olgeta blong hakem.
- Yu tingting gud bifo yu pablisem eni konfidensel infomesen blong bisnes blong yu, ol daerekta, ol wokman mo ol kastoma – maet long profael blong yu o long ol pos / ol twit blong yu.
- Yusum ol strong paswod
- Wanem we i go onlaen i stap onlaen. Yu mo ol kolig blong yu i sud tingting gud bifo pablishim ol komen o pija we maet oli save mekem ol problem long ol taem we i stap kam, maet long bisnes blong yu o long ol nara grup.
- Yu mas save tu wanem ol nara bisnes mo ol man i postem abaut yu, o riplae long ol pos blong yu..
- Lanem blong yusum ol saet long wan gudfala wei. Yusum ol praevet fija blong ristriktem akses blong ol nara man long profael blong yu. Yu mas lukaot gud long hu we yu letem blong i joinem yu long netwok blong yu.
- Mekem sua se yu mo ol kolig blong yu oli oltaem lukaot long ol fising, vising mo ol nara sosel enjiniering aktiviti we oli kam blong garem ol sosel media paswod.
- Mekem sua se yu gat wan efektiv mo apdeitd intanet sekuriti sofwe mo faewol we i wok gud bifo you go onlaen.
- Lukaot long taem we ol wokman / ol kolig oli westem taem blong spendem long ol saet we i no konek wetem wok, go long eksten we yu kontrolem gud ol onlaen aktiviti blong olgeta.