Ol RAT oli stap daonlodem (be yu no luk) wetem wan program we yu rikwestem – eksampol wan gem, o oli sendem long yu olsem wan imel atajmen. Oli save pefomem ol aksen we oli semak long ol softwe oli stret. Ol RAT oli no save lukgud blong save ditektem from oli no stap soap long ol list blong ol program o task we yu stap yusum, mo tu bae yu no save luksve se oli stap afektem pefomans blong divaes blong yu.
Ol RAT oli yusum blong kontrolem ol webkam we oli stap kampap naoia, wetem objektiv blong yusum ol video mo ol imej blong ol blakmel o ol rabis rison.
Ol risk
- Ol spae long yu (mo oli rikodem yu) tru long webkam blong yu. Long samfala kes, oli mekem be oli no aktivetem indiketa laet, blong mekem se yu no save se oli stap wajem yu.
- Taem oli stap monitorem onlaen biheiva blong yu onlaen inkludum ol websaet yu stap visitim, olgeta we yu imelem, wanem yu stap taepem.
- Bae oli aksessem ol konfidensel infomesen blong yu – inkludum ol bank akaon mo ol sekuriti ditel.
- Oli yusum yu olsem wan pat blong wan botnet blong distributim ol vaeres mo ol narafala malwe.
- Ol kompiuta drave blong yu bae oli fomatem.
- Ol delitim ol fael mo ol fael sistem blong yu, oli daonlodem mo mekem jenis long olgeta.
Hao blong avoidem Rating
- Mekem sua se yu gat wan efektiv mo apdeitd antivaeres/antispawe sofwe, mo wan faeawol we i ron gud taem kompiuta o mobael divaes oli on.
- Yu no letem temtesen i fosem yu blong yu daonlodem ol program o app we oli kam long wan sos we yu no trastem, from oli save kasem RAT mo ol narafala malwe.
- Daonlodem ol apdet long ol program mo app blong yu taem yu mas mekem… oltaem oli inkludum ol sekuriti fiks.
- Yu tekem gud kea long wanem link yu klik long hem long ol imel – maet olgeta oli phishing.
- Tekem gud kea taem yu openem ol atajmen long imel, nating we oli kam long ol pipol yu save long olgeta.
- Avoidem ol websaet we yu saspises long olgeta mo ol fulap daonlod. Fulap long ol daonlod ia oli no folem loa be oli olsem oli ol open get blong taep blong saeba-atak ia.
- Yu mas kaveremap webkam taem yu no yusum, weta yu gat i pat long ol hem i wan klip-on divaes.
Sapos yu ting se yu bin wan viktim we oli spae long yu tru long webkam blong yu
Ripotem insiden ia long polis