English

Infomesen & Fesbuk Blong Yu

Fesbuk –Popula sosol nekwok blong wol tede – i gat ova 2 bilion memba oli stap olbaot long wol. Hem i kasem revenue blong hem long saed blong advetaesing: Sapos yu eva wonda hao ol prodak we yu stap soem interest long olgeta oli stap popap long advetismen mo post blong peij blong yu, hem i wan kombinesen blong ol defren teknoloji we oli yusum blong tagetem yu long advetaesing. I bin bigfala konsen abaot hao Fesbuk i yusum mo serem ol data blong yu, mo wanem ol data we hem i holem abaot yu. Yu save rikwestem wan komplet fael blong data we oli holem. Peij ia hem i listim ol kategori blong ol data, mo i eksplenem olsem wanem yu save faenemaot wanem infomesen oli holem abaot yu, weta i stap long kompiuta blong yu o long Fesbuk app.

Infomesen blong yu

Ol Post: Ol post we yu bin serem long Fesbuk, ol post ia oli haedem long taemlaen blong yu mo ol pol we yu krietem

Ol Foto: Ol foto we yu bin aplodem mo serem

Ol Video Ol video we yu bin aplodem mo serem

Komen: Ol komen we yu postem long post blong yu, long ol narafala post blong ol pipol o long ol grup we yu pat long ol

Ol laeks mo riaksen: Ol post, ol komen mo ol peij we yu laekem o riak long hem

Ol Fren: Ol pipol we yu konekted long olgeta long fesbuk

Ol pipol we oli folow mo ol folowa Ol pipol, ol oganaesesen o bisnes we yu jusum blong olgeta oli save luk konten mo folem yu

Ol Mesej: Ol mesej we yu bin eksjensem wetem ol pipol long mesenja

Ol Grups: Ol grup we yu pat long olgeta, ol grup we yu manejem, mo ol post mo komen long grup blong yu

Ivent: Ol respons long ol ivents mo wan list blong ol ivent we yu bin krietem

Profael infomesen: Kontak infomesen blong yu, infomesen we yu bin raetem ‘Abaot yu’ seksen long profael blong yu mo ol laef ivent

Ol Peij: Ol peij we yu yu admin blong olgeta

Maketples: Aktiviti blong yu long Maketples

Peimen histori: Wan histori blong ol peimen we yu bin mekem tru long Fesbuk

Ol seved aetem: Wan list blong ol post we yu bin savem

Ol ples blong yu: Wan list blong ol ples we yu krietem

Ol App: Ol App we yu bin instolem mo ol app we yu admin

Ol narafala aktiviti: Aktiviti we i asosiet wetem akaon blong yu, olsem ol pok we oli givim mo risivim

Ol Ads: Ol ad topik we oli releven long yu, ol advetaesa we oli bin kolektem infomesen daerekli long yu mo ol infomesen we yu bin sabmitim long ol advetaesa

Sej histri: Wan histori long ol sej blong yu long Fesbuk

Lokesen histori: Wan histori blong ol stret lokesen risiv tru long ol lokesen sevis long divaes blong yu

Ol kol mo ol mesej: Ol log blong kol blong yu mo mesej we yu bin jusum blong serem long ol divaes seting

Abaot yu: Ol infomesen we oli asosiet wetem yu long Fesbuk akaon

Sekuriti mo login infomesen: Wan histori blong ol login blong yu, logaot, ol period blong taem we yu bin aktiv long Fesbuk mo ol divaes we yu yusum blong aksesem Fesbuk.

Netwok infomesen: Infomesen abaot netwok we yu bin yusum

Hao blong daonlodem ol infomesen we oli holem abaot yu

Long kompiuta blong yu

  1. Long ‘mein’ peij blong yu (taemlaen, wol?) faenem daonwod pointing aro long raet-han saed blong dak blu band antap.
  2. Klikim aro/ mo selektem ‘Ol Seting’ long drop-daon menu. Hemia bae i openem ‘General Akaon Seting ‘ peij.
  3. Long left-han kolom, klikim ‘Fesbuk Infomesen blong You’. Hemia bae i openem ‘Fesbuk Infomesen blong You’.
  4. Klikim ‘Daonlodem infomesen blong yu’. Hemia bae i openem ‘Daonlodem infomesen peij blong yu’.
  5. ‘Niu fael’ tab ia bae oli selektem sapos yu no bin daonlodem infomesen ia long taem. Yu keaful taem yu selektem ol kategories blong infomesen we yu wantem blong daonlodem, mo deit reinj we yu wantem infomesen blong kaverem. Yu not se taem yu klik long wan historik deit long ‘from’ kalenda, yu nid blong jekem yia long ‘do’ kalenda blong mekem se i no stap long semak yia olsem long ‘from kalenda.’
  6. Mifala i rekomendem long yu blong kipim difol ‘HTML’ fomat mo ‘Hae’ Media kwaliti. Klikim blu ‘Kriet Fael’ baton.
  7. Bae yu risivim wan Fesbuk imel we i aknolejem rikwes afta wan bae i letem yu save se infomesen fael blong yu i avelebol.
  8. Klikim wan link long sekon imel we bae i tekem yu bak long ‘Daonlodem infomesen blong yu’ peij. Klikim ‘Daonlod’ baton bae i mekem wan pop-ap i stap blong rikwestem paswod blong yu. Enterem paswod blong yum o ‘OK’ bae i daonlodem infomesen blong yu long a .zip fael.

Long Fesbuk app blong yu

  1. Tajem menu (3 laen ikon) long botom blong skrin blong yu, afta yu skrol doan long ‘Seting & Praevesi’
  2. Selektem ‘Seting’.
  3. Skrol daon long ‘Fesbuk infomesen blong yu’ mo selektem ‘Daonlodem infomesen blong yu’.
  4. ‘Niu fael’ tab ia bae oli selektem long difol sapos yu no daonlodem infomesen ia fastaem. Yu keaful blong selektem ol kategori blong infomesen we yu wantem blong daonlodem, mo deit renj we yu wantem infomesen blong kavremap. Mifala i rikomendem yu blong kip long difol ‘HTML’ fomat mo ‘Hae’ Media kwaliti. Klikim blu ‘Kriet Fael’ baton.
  5. Bae yu risivim wan Fesbuk imel we oli aknolejem rikwes ia, afta wan moa blong letem yu save se infomesen blong fael blong hem i avelebol.

6. Yu klik long wan link long wan sekon imel bae i tekem yu gobak long ‘Daonlod infomesen blong yu’ peij. Yu klik long ‘Daonlod’ baten be yu luk wan pop-ap we i rikwestem paswod blong yu. Enterem paswod blong yu mo ‘OK’ bae i daonlodem infomesen blong yu long wan .zip fael.

 

Glosari

Wan Glosari blong ol tem we oli yusum long atikol ia:

Netwok

Taem fulap namba blong ol kompiuta oli konek long olgetawanples wetem ol infrastrakja.

Daonlod

Blong obtenem konten long intenetolsem wan imel atajmen o long wan rimot kompiutai go long had draev blong yu.