Olgeta we oli komitim ol sabskripsen trap oli ekploitem ‘kontinuos peimen otoriti’, nomali oli rikwestem peimen kad ditel blong yu olsem wan pruf blong aedentiti mo eij, afta oli holem ol ditel ia mo stap droem ol peimen long akaon blong yu long ol manis. Ol ditel blong ol ongoing komitmen ia oli stap dip long ol tem mo kondisen mo fulap pipol oli misim olgeta, from oli wantem tekem advantej nomo long ol ‘fantastik ofa’ we oli advetaesem.
Ol risk
- Taem yu tekem advantej blong wan fri mo low-kost ofa, be yu faenem se hem i kostem yu handred o iven tausan blong dola.
- Yu no save kanselem wan agrimen o stopem ol peimen we oli tekem long akaon blong yu.
Avoidem ol sabskripsen trap
- Ridim ol smol print (ol tem & kondisen) gud bifo yu enterem wan agrimen o mekem wan pejes o pem samting, nating sapos i tekem taem.
- Mekem sua se ol tem & ol kondisen boks oli no tikim fastaem.
- Sapos yu mekem wan pejes blong kaen ia we i givim yu wan limited taemskel blong kanselem agrimen, meksua se yu mekem bifo long du deit sapos yu wantem kanselem.
- Neva provaedem ol bank ditel long ol kampani bifo yu mekem ol risej blong yu bifohan.
- Kipim wan kopi blong eni advetismen (printim o tekem wan skrinsot) we yu bin riplae long olgeta, mo yu notem webpeij.
- Rememba se bae yu gat mo janis blong kanselem ol agrimen o obtenem wan rifan sapos kampani ia i beis long kantri ia. -Iven sapos i gat ol lokal adres be samtaem bae hem i ol fulfilmen kampani nomo we oli kontraktem olgeta blong sendemaot ol guds. Ol kampani ia oli nogat fisikol presens blong olgeta long ples ia.
- Jekem bank/peimen kad stetmen blong yu oltaem blong ol peimen we yu no ekspektem.
Sapos yu wan viktim blong sabskripsen trap
- Mekem evri efot blong kontaktem kampani ia blong kanselem agrimen ia.
- Kontaktem bank blong yu blong kanselem ol fuija peimen.
- Jekem bank blong yu blong kanselem ol fuija peimen.
- Rikwestem riembesmen long saplaea sapos advetismen i no eksplenem ol jaj, be yu mas awea se taem yu nogat kopi, bae kleim blong yu i feil. Sapos websaet ia i jenis long taem ia, yu traem aksesem intenet braosa kash blong yu o intenet akaiv.
- Sapos yu biliv se yu kasem frod, ripotem long polis.