Blong adem wan ekstra lukluk long maltipleia elemen, ol pleia oli komuniket wetem olgeta via long jat o vebali wetem maekrofon o wan hedset. I gat fulap gem – stat long ol simpol jes mo kad i go long ol fes-pesen suting mo ol advenjeres gem we fulap tausan man oli stap plei long hem semtaem – inkludum ol fija ia. Ol Onlaen gem oli kamap bigwan we i gat ril mani oli yusum blong pem in-gem propeti.
Ol risk
- Long ol bigfala Masiv Maltipleaia Onlaen Rol Pleing Gems (MMORPGs o MMOs), i gat wan bigfala onlaen komuniti be oli strenja mo wan i no save long olgeta mo i gat ol unfilted, anmodereted diskasen, oli save posem wan varieti blong ol potensel risk olsem:
- Yu no kea mo givimaot ol pesonal infomesen, inkludum paswod, imel o hom adres o eij blong yu.
- Hemia ol denja we oli asosiet wetem ol onlaed sesen jatrum.
- Daonlodem ‘ol jit’ we oli kleim blong givhan long yu, be infak, maet oli kontenem ol vaeres/spawe.
- Daonlodem o obtenem long wan narafala wei, ol kopi we oli paeretem blong ol gem, we oli save lid i go long ol penaliti we i inkludum saspen, bloking blong ol konsol long aksesem manufakjura seva o prosekusen.
- Yu mas wari long ol kriminal taem yu pem o salem ol vetual, in-gem propeti – eksampol ol hae-level karakta – sapos i gat ril mani we oli involv long hem.
- ‘Grifing’ – taem ol pleia oli singelem yu aot spesifikali blong mekem gem eksperiens blong yu yu no enjoem.
- Disposem ol gem konsol, ol PC mo ol mobael divaes be yu no delitem ol pesonal infomesen mo ol akaon ditels.
- Daonlodem ‘fri’ web mo app-beis gem we yu mas pem akses long ful konten.
- Plei ol gem blong fulap haoa long taem wetem denja se bae yu kam adikted.
Sef geming
- Yu plei ol onlaen gem nomo taem yu gat ifektiv mo apdeit, antivaeres/antispaewe softwe mo mo faewol raning.
- Yu plei nomo wetem ol otoraesd vesen blong ol gem we yu bin pejesem long ol korek sos mo from yu gat wan laesens.
- Yu verifaem se ol daonlod fael mo ol niu sofwe oli otentik mo ol sekua from yu pem olgeta long wan sos we i respektebol.
- Jusum wan yusa nem we i no rivilim eni pesonal infomesen. Similarli, sapos gem blong yu hem i inkludum abiliti blong krietem wan pesonal profael, yu mekem sua se yu no givimaot eni pesonal infomesesen blong yu.
- Yusum ol strong paswod
- Yu no rivilim eni pesonal infomesen long ol narafala pleia.
- Mekem sua se yu kipim gem sofwe hem i ap to deit. Plante maltipleia gem oli otomatikali apdeitem olgeta bifo oli letem yu konek. Yu mas wari taem yu wantem daonlodem eni anotoraesd program we hem i rilet long gem ia.
- Yu wajaot long ol skam mo ol kon taem yu stap pem o salem wan ‘propeti’ we i eksist insaed long wan kompiuta gem, long ril wol.
- Ridim ol tem mo kondisen blong manufaktura o hosting kampani blong mekem sua se bae i nogat eni imediet o ol fiuja hiden jaj.
- Taem yu stap disposem geming divaes blong yu long saed long seling, skraping, givimaot o donet, mekem sua evri pesonal infomesen blong yu oli delitim. Metod blong mekem olsem hem i vari long wan divaes i go long wan narafala divaes. Yu no fogetem blong delitim ol akaon ditel blong yu, mo ol bakap o tansfe ol gem blong yu i go long niufala divaes sapos oli apropriet.
- Setem ol gaedlaen mo ol graon rul blong ol pikinini blong yu taem oli plei onlaen.
Moa infomesen
Wan gaed blong ol peren blong kipim ol pikinini oli sef taem oli stap plei ol gem onlaen:http://www.everybodyplays.co.uk/parents-guide-to-games
Ol defren onlaen gem oli eksplenem long ol video gaed, long ples ia: https://www.youtube.com/user/FamilyGamerTV