Be ol ekstremis oli traem blong kasem ol man we oli wik long tingting blong olgeta, mo intanet oltaem i mekem se rod ia i save hapen… from fulap man oli stap yusum blong pulum interes fes wan blong ol man, mo yusum tu olsem wan rod blong ol nara wei blong komunikesen. Long saed long evrisamting we ol man oli stap yusum intanet from, intanet i mekem se ol man we oli stap spolem ol man oli save kasem bigfala namba blong ol man, long plante kantri, mo oli no hadwok tumas blong kasem olgeta.
Plante man oli save long pawa blong wanem sosel media i save mekem, mo hem ia hem i mein janel blong trenem ol man long wan aktiviti – save tru long fesbuk, twita o plante nara saet mo ol ap. Ol nara onlaen janel i inkludum ol jatrum, ol forom, ol instan mesej mo ol teks. Ol ekstremis oli yusum evriwan blong ol komunikesen blong olgeta evridei, olsem tu long dak web.
Ol ekstremis oli yusum sosel media tu blong mekem ol risej, mekem se i isi blong oli save kasem ol man we oli wik long tingting blong olgeta, tru long wanem oli sowemaot long ol profael, ol pos/twit, ol foto mo ol lis blong ol fren blong olgeta.
Ol risk
Wikness blong save folem ol trening blong ol ekstremis mo oli pulum tingting long wan wei we oli stap fosem yu blong folem ol fasin blong olgeta, mo hem ia i tru long ol saet blong sosel media, ol jatrum, ol teks mo ol instan mesej.
Hao blong gad agensem onlaen radikalaesesen
- Sapos yu tingse oli kasem yu o oli bin tijim yu long ol fasin blong olgeta, tingting longwan mo tingting strong long ol risal we oli save hapen from radikalaesesen long yu wan, long famli blong yu mo ol fren blong yu, mo ol gudfala fasin we yu stap holemtaet.
- Jekem ol famli memba, ol fren mo ol nara wan we yu tingse i save hapen blong olgeta i save fuldaon long radikalaesesen. Sapos ol paten blong fasin blong olgeta oli jenis? Sapos oli nomo wantem stap wetem ol famli mo ol fren, mo oli haedem olgeta o oli nomo wantem toktok wetem ol man we i nogat wan klia risen nating from wanem oli mekem olsem? Sapos bilif strakja blong olgeta i bin jenis? Sapos oli stap mekem ol travel plan we oli no nomol? Sapos ol fren blong ol fren blong olgeta mo ol fren tu we oli no klosap tumas long olgeta oli gat konsen long olgeta?
Ripotem ol konsen blong yu
Ripotem go long polis mo no pulum taem, taem ol ekstremis oli kasem/toktok wetem yu o ol nara wan stret, o taem oli traem blong kasem/toktok long yu wan o ol nara wan.
Mo infomesen
Garem mo infomesen mo advaes long:
– Blokem ol samting we oli save mekem ol problem mo Yumi tokbaot, ol websaet blong UK we oli mekem blong oli blokem radikalaesesen mo terorisim.