Yu sud awe se sapos yu transferem penson seving blong yu i go long wan penson skim o investmen we oli no reguletem gud, o yuk am sabjek long wan peson skam, bae yu save lusum wan bigfala amaon blong mani blong yu, sapos no i no evri penson seving blong yu, wetem ol potensel aranjmen jaj. Ol penson skama oli kleva mo oli oganaesed gud: oli yusum fulap metod blong putum han blong olgeta long mani blong yu. Be i gat plante long ol saen we oli save givhan long yu blong yu save luksave wan skam mo i gat ol praktis we bae yu yusum blong gad agensem olgeta.
Hao blong luksave wan skam
Yu sud wori sapos:
- Yu risivim ol aproj we yu no ekspektem ova long fon, long imel o teks mesej o wan kola i kam long doa step blong yu.
- Yu risivim ol ofa blong aksesem pesonal pensen blong yu o kampani pensen bifo long korek eij.
- Yu risivim ofa blong transferem mani blong yu i go long wan ovasi investmen, wetem wan garanti riten blong 8% o i go antap moa.
- Yu risivim ol ofa o oli stetem ‘wan-of investmen’, ol taem baon ofa, apfron kas insentiv, ‘fri pensen riviu’. ‘ligol luphol’ o ‘ol gavman inisiativ’.
- Oli askem yu blong provaedem fon namba blong yu mo hom adres mo/o pesonal faenansol infomesen, taem yu stap enkwae long ol prodak we oli oferem.
- Yu gat presa blong spidim ol transfe proses, tru long yus blong wan kuri sevis o long wan visit we i kam long wan representativ we i pusum hem.
- Memba dokumentesen oli holem bak long yu, samtaem bae i gat eksplenesen o bae i nogat wan.
- Oli provaedem yu wetem ol flas maketing material, be wetem limited kontak ditel blong advaesa o kampani we hem i provaedem ol ofa ia.
*Long ol samfala keis nomo – olsem il helt – maet bae i posibol blong aksesem ol fan bifo nomol eij long karen penson skim blong yu.
Gadem yu agensem ol penson skam
- Yu neva givimaot ol faenansol o pesonal infomesen i go long wan kolkol kola, o yu rispon long wan imel o teks.
- Tekem fulap ol infomesen we yu save abaot bakgraon blong wan kampani – traem intenet fastaem, be yu mas wari long ol ‘flash’ websaet.
- Sapos yu no sua long wan ofa we yu bin risivim o wan samting i we i no saon gud, askem profesonal advaes.
- Yu neva hariap, filim presa o kasem harasmen blong mekem wan disisen abaot penson blong yu.
- Tekem taem blong yu mo jekem bifo yu prosid.
Sapos yu bin kasem wan kol we i kolkol mo saspektem se hem i wan skam
Ripotem long polis
Sapos yu ting se yu wan viktim blong wan pesen skam
- Kontaktem pensen skim pesen we yu stam transferem mani long hem kwiktaem- bae oli save stopem transfe sapos i no go tru yet.
- Ripotem long polis