Olsem nem i talem, olgeta we oli postem ol revenj porn oli mekem nomo blong oli ‘hit bak’ from oli filim se oli rijektem olgeta long wan samting we oli tingse i gat samfala injastis. Nating we i nogat wan had o fast rul, majoriti blong ol pepetreto oli mel mo ol viktim oli fimel we oli yangfala.
Long samfala okesen, oli save yusum blong blakmel, wetem tret se ol imej ia bae oli postem – o sapos oli stap onlaen finis bae oli no save tekemaot olgeta kasem taem wan mani oli mas pem o viktim i agri blong kontinu long rilesensip.
I gat trifala mein foram blong serem ol eksplisit imej ia:
- long Sosol media saets. Twita mo Fesbuk oli mekem sam strong polisi abaot revenj porn mo yu oli postem.
- Ol Speselaes revenj porn websaet mo forum
- Ol darek mesej i go long viktim mo ol nambatri pati long imel o teks
Ol risk
- Wan eks-patna (o wan narawan) i postem o serem ol eksplisit/intimitet imej blong yu, we i kosem bigfala distress o bigfala sem.
- Yu kam viktim blong faenansol o emosenal blakmel.
- Sapos hem i yu we yu komitim akt blong revenj porn, i gat posibiliti blong:
- Sapos oli konviktim yu long kriminal ofens, i gat posibiliti blong yu gat wan sentens long tufala yia.
- emia hem i kosem bigfala distres long viktim blong yu, wetem ol trajik resal long olgeta wetem famle blong olgeta.
Yus mas rememba se nating yu klosap long wan pesen ol ting i save jenis mo eni foto o video sot long wan relesensip bae oli save serem wetem ol narafala.
Sapos yu wan viktim blong revenj porn
- Yu no respond long ol blakmel tret.
- Ripotem long polis
- Sapos hem i apia long wan websaet o sosol media saet, ripotem ol imej ia long saet, askem olgeta blong oli rimuvum mo ol i blokem ol pepetreta ia.
Yu no sem blong ripotem revenj porn ia, from yu save helpem yuwan wetem ol narafala potensel viktim.